The news is by your side.

Advertisement

زرداری نے کراچی کو کرچی اورنیازی نے پشاور کوقصہ خوانی بازار میں تبدیل کردیا، شہباز شریف

لاہور : وزیر اعلی پنجاب شہباز شریف نے سیاسی مخالفین پر تنقید کرتے ہوئے کہا کہ تحریک انصاف اور پیپلز پارٹی ایک ہی تھیلی کے چٹے بٹے ہیں، زرداری نے کراچی کو کرچی اورنیازی نے پشاور کوقصہ خوانی بازار میں تبدیل کردیا،مجھ پر کرپشن ثابت ہو جائے تو گلے سے پکڑیں ۔

تفصیلات کے مطابق وزیراعلیٰ شہباز شریف نے میڈیا سے گفتگو کرتے ہوئے کہا کہ مر یضوں کوعلاج کی بہترین سہولتیں مہیاکررہےہیں، اسپتالوں میں بہتر ین مشینیں، ڈاکٹر ز ، نرسز موجود ہیں، جوعلاج مہنگےاسپتالوں میں ہوتاہےہم وہ سرکاری اسپتالوں میں کررہے ہیں، مریضوں کومفت ادویات فراہم کی جا تی ہیں۔

شہبازشریف کا کہنا تھا کہ اسپتالوں میں اربوں روپے کی سر مایہ کاری ہوئی، ان اسپتالوں میں کبھی ہڑتال ہوئی؟ ان اسپتالوں میں کبھی کسی مریض سےبد تمیزی کی گئی، میو اسپتال بھی اس ہی دور میں مکمل ہوا ،کیا ہزاروں بیڈز کے اسپتال ایسے ہی ہوا میں بن گئے۔

عمران خان پر تنقید کرتے ہوئے وزیراعلیٰ پنجاب نے کہا کہ یوٹرن اورجھوٹےخان نے کہا کے پی کی حالت بدل دی، لیڈی ریڈٖنگ اسپتال پشاوردہائیوں پہلےکا بناہوا ہے، پشاورمیں کوئی نیااسپتال نہیں بنایاگیا۔

میری کرپشن سامنے آگئی توآپ کا ہاتھ اور میرا گریبان ہوگا

شہباز شریف مسلم لیگ ن

ان کا کہنا تھا کہ زرداری نےکراچی کوکچی آبادی اور عمران نیازی نےپشاورکوقصہ خوانی بازارمیں تبدیل کردیا، ہم نے پورے پنجاب میں اسپتالوں کا جال بچھایا، چاہےمیں بیمار ہوں یا غریب ،دوائیں سب کو ملیں گی۔

وزیراعلیٰ پنجاب کا کہنا تھا کہ ہم نےقوم کی خدمت کی ہے اس نظام کو بدلنا چاہتا ہوں ، کے پی میں احتساب ادارےپر70کروڑخرچ ہوئے، کے پی میں احتساب ادارے سے کسی ایک کوسزانہیں ہوئی، پنجاب میں احتساب ادارہ بنائے بغیرکرپشن کوگلے سے پکڑا۔

انھوں نے مزید کہا کہ نیب جتنی مرضی کھوج لگائےمیں حاضرہوں، میں خودکونیب کےسامنےپیش کرتاہوں، میری کرپشن سامنےآ گئی توآپ کا ہاتھ اور میرا گریبان ہوگا، ہم مالک کے آگےجھکتےہیں انسان کےآگےنہیں جھکیں گے، 2018 کے الیکشن میں ان سے ووٹ لےکر بدلہ لینا ہوگا۔

کراچی کے حوالے سے شہباز شریف کا کہنا تھا کہ کراچی والوں نےمجھےبتایا یہاں حالات بہت خراب ہیں، شدیدگر می کے باعث لوڈ شیڈ نگ بہت ہوچکی ہے ، کراچی والےکہہ رہےہیں نہ پانی ہےنہ گیس نہ میٹرو بس۔

وزیراعلیٰ پنجاب نے کہا کہ تحریک انصاف اور پیپلز پارٹی ایک ہی تھیلی کے چٹے بٹے ہیں، زرداری اور نیازی مل چکے ہیں، بلاول ہاؤس اور بنی گالا ہم پیالہ اور ہم نوالہ ہیں، عمران خان اورزرداری نےعوام کوکچھ نہیں دیا، کے پی کو بربادکر کےرکھ دیا گیا ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں