The news is by your side.

Advertisement

زرداری اور نیازی نے پانچ سال تک عوام کو کھوکھلے نعروں سے بہلایا: شہبازشریف

لاہور: صدر مسلم لیگ ن شہباز شریف نے کہا ہے کہ زرداری اور نیازی نے پانچ سال تک عوام کو کھوکھلے نعروں سے بہلایا.

تفصیلات کے مطابق وزیراعلیٰ پنجاب نے مخالفین کو آڑے ہاتھ لیتے ہوئے کہا کہ نیازی کی سیاست دھرنے، لاک ڈاؤن، یوٹرن، جھوٹ پرمبنی ہے.

شہبازشریف نے کہا کہ سوئس بینکوں میں پڑے قوم کے اربوں ڈالر کرپشن کی داستان سنا رہے ہیں، سر سے پاؤں تک کرپشن میں لتھڑے اب احتساب کی بات کر رہے ہیں.

تبدیلی کے دعوے دار کے پی میں کوئی قابل ذکر منصوبہ مکمل نہ کرسکے، میٹروبس کے منصوبے کے نام پر پشاور کو اکھاڑ دیا گیا

شہباز شریف

انھوں نے کہا کہ تبدیلی کے دعوے دار کے پی میں کوئی قابل ذکر منصوبہ مکمل نہ کرسکے، میٹروبس کے منصوبے کے نام پر پشاور کو اکھاڑ دیا گیا.

صدر مسلم لیگ ن شہباز شریف کا کہنا تھا کہ عوام تبدیلی کے دعوے داروں، لوٹ مار کرنے والوں کو مسترد کر دیں گے، مخالفین کو عبرت ناک شکست ہوگی.

یاد رہے کہ نیب نے شہبازشریف کو صاف پانی کرپشن اسکینڈل میں چار جون کوطلب کیا ہے، شہباز شریف جب تک سابق وزیر اعلیٰ ہوجائیں گے، کیوں کہ تیس مئی کو موجودہ اسمبلیاں تحلیل ہوجائیں گی۔


شہبازشریف کی چارجون اورفواد حسن فواد کی 25مئی کو نیب میں طلبی


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں