لاہور: وزیراعلیٰ پنجاب میاں محمد شہبازشریف کا کہنا ہے کہ جمہوری نظام کی مضبوطی میں ووٹ بنیادی اہمیت کا حامل ہے۔
تفصیلات کے مطابق وزیراعلیٰ پنجاب شہبازشریف نے ووٹرزڈے پر اپنے پیغام میں کہا کہ ووٹرزڈے منانے کا مقصد ووٹ کی اہمیت، افادیت اجاگرکرنا ہے۔
شہبازشریف نے کہا کہ جمہوری نظام میں رائے دہندگان کی اہمیت اپنی جگہ مسلمہ ہے، عوام اپنے ووٹ کی طاقت سے اقتدار کا فیصلہ کرتے ہیں۔
وزیراعلیٰ پنجاب نے کہا کہ جمہوری نظام کی مضبوطی میں ووٹ بنیادی اہمیت کا حامل ہے، جس معاشرے میں رائے عامہ کو اہمیت دی جاتی ہے وہی پنپتے ہیں۔
دوسری جانب پشاورمیں ووٹرزڈے پرتقریب سےگورنر خیبرپختونخواہ اقبال ظفرجھگڑا نے خطاب کرتے ہوئے کہا کہ اس دن پرنئے ووٹرکواپنے ووٹ کےاندارج کا موقع ملے گا۔
اقبال ظفرجھگڑا نے کہا کہ میڈیا اور دیگرادارے ووٹرز ڈے پراپنا کردارادا کریں، الیکشن کمیشن کی قومی سطح پرآگاہی مہم قابل تحسین ہے۔
عوام کی خدمت کوہمیشہ عبادت کا درجہ دیا‘ شہبازشریف
یاد رہے کہ دو روز قبل لاہور میں منتخب نمائندوں سے وزیراعلیٰ پنجاب شہبازشریف خطاب کرتے ہوئے کہنا تھا کہ عوام کی خدمت کوہمیشہ عبادت کا درجہ دیا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
