بورے والا: وزیر اعلیٰ پنجاب شہباز شریف نے کہا ہے کہ ووٹ کا صحیح استعمال کیا، تو پاکستان مودی کو آنکھوں میں آنکھیں ڈال کر جواب دے گا.
ان خیالات کا اظہار انھوں نے بورے والا میں عوامی جلسے سے خطاب کرتے ہوئی کیا، ان کا کہنا تھا کہ اللہ نے لودھراں میں مخالفین کو بدترین شکست دی.
انھوں نے سیاسی حریفوں کو آڑے ہاتھ لیتے ہوئے کہا کہ عمران خان جھوٹوں کے آئی جی ہیں، انھوں نے 2013 میں کہا کے پی میں بجلی لائیں گے اورپورےپاکستان کو دیں گے، میںعمران خان سے پوچھتا ہوں، وہ 74 میگاواٹ بجلی کہاں ہے، آسمانوں میں ہے یا زمین میں؟
انھوں نے حاضرین کو مخاطب کرتے ہوئے کہا کہ مداریوں، زرداریوں اور جھوٹے کھلاڑیوں کو شکست ہوگی، عوام کا جم غفیر کہتا ہے آئندہ الیکشن میں جھوٹی سیاست مسترد ہوگی.
شبہاز شریف کا کہنا تھا کہ خان صاحب اور زرداری نے اپنے صوبوں میں کچھ نہیں کیا، فقط جھوٹے وعدے کیے، خان صاحب اور آصف زرداری پنجاب میں رخنہ ڈالنا چاہتے ہیں، عمران خان قوم پر رحم کریں اور گھر چلے جائیں، سیاست آپ کا کام نہیں.
مریم اورحمزہ شریف فیملی کےچشم وچراغ اور مسلم لیگ ن کا مستقبل ہیں،راناثنااللہ
ان کا کہنا تھا کہ نوازشریف کی قیادت میں سی پیک کے منصوبے لگے ہیں، ن لیگ کی حکومت نے لوڈشیڈنگ کے خاتمے کا وعدہ پورا کیا، پنجاب میں ہزاروں میگاواٹ بجلی کے منصوبے لگائے گئے، پنجاب کے دیہاتوں میں 85 ارب روپے کی سڑکیں بنائی ہیں.
انھوں نے کے پی حکومت پر تنقید کرتے ہوئے کہا کہ کے پی میں ڈینگی آیا تو یہ نتھیا گلی چلے گئے، آئندہ الیکشن میں پشاور والے ن لیگ کو ووٹ دیں گے، مسلم لیگ (ن) کےپی عوام کو میٹرو منصوبے بنا کر دے گی.
انھوں نے سابق صدر آصف زرداری کو مخاطب کرتے ہوئے کہا کہ لوٹی دولت واپس لے آئیں، عوام نے منتخب کیا، تو ہم آصف زرداری کی دولت واپس لائیں گے، اگلے الیکشن کے بعد کراچی اورکوئٹہ کو لاہور بنائیں گے.
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں
