The news is by your side.

Advertisement

نواز شریف سے متعلق حکومتی خط پر شہباز شریف کا ردعمل آگیا

لندن: مسلم لیگ ن کے صدر اور سابق وزیراعلیٰ شہباز شریف نے برطانوی حکومت کو خط لکھنے کے حکومتی اقدامات کی شدید مذمت کی ہے۔

تفصیلات کے مطابق مسلم لیگ ن کے صدر اور قائد حزب اختلاف شہباز شریف نے کہا ہے کہ حکومت کو خط لکھنے کا کوئی قانونی اختیار نہیں، نواز شریف سے متعلق خط غیر اخلاقی، غیر منطقی اقدام ہے۔

شہباز شریف نے کہ اکہ حکومت کے غیرقانونی اقدام کے خلاف عدالت سے رجوع کریں گے، نواز شریف کو اسلام آباد ہائیکورٹ نے 8 ہفتے کی ضمانت دی تھی۔

انہوں نے کہا کہ عدالت نے ضمانت میں توسیع کے لیے حکومت سے رجوع کرنےکا کہا تھا، عدالتی حکم تھا حکومت کے کسی اقدام پر دوبارہ رجوع کرسکتے ہیں، قانون کے تحت حکومت کو ایسا خط لکھنے کا کوئی اختیار نہیں۔

شہباز شریف کے مطابق حکومتی اقدام عدالتی احکامات کی کھلی خلاف ورزی ہے، عمران خان سیاسی انتقام اور ذاتی دشمنی میں اوچھی حرکتیں کررہے ہیں۔

مزید پڑھیں: نواز شریف کو بطور مجرم وطن واپس لانے کیلئے حکومت کا بڑا اقدام

قائد حزب اختلاف کا کہنا تھا کہ نواز شریف قانونی تقاضے پورے کرکے علاج کے لیے بیرون ملک گئے، ان کے علاج میں رکاوٹ ڈالنے کی کوشش قتل کے مترادف ہے۔

انہوں نے کہا کہ حکومت عوام کی نفرت سے بچنے کے لیے نواز شریف کی صحت سے کھیل رہی ہے، انتقامی، سیاسی دشمنی پر مبنی غیرقانونی اقدامات سے ہمارے حوصلے پست نہیں ہوں گے۔

شہباز شریف نے کہا کہ قانون، عدالتی حکم کی روشنی میں بنیادی انسانی حق کا استعمال کریں گے، نواز شریف کی صحت پر حکومتی وزرا کے متضاد بیانات بدنیتی کا ثبت ہیں۔

Comments

یہ بھی پڑھیں