The news is by your side.

Advertisement

عوام کی خدمت ہمارا اوڑھنا بچھونا ہے، شہبازشریف

لاہور: وزیراعلیٰ پنجاب شہبازشریف کا کہنا ہے کہ عوام کی خدمت ہمارا اوڑھنا بچھونا ہے،مخالفین کی پرواہ کئے بغیر ترقیاتی منصوبوں کی تکمیل کو یقینی بنایا۔

تفصیلات کے مطابق وزیراعلیٰ پنجاب شہبازشریف نے اپنے بیان میں کہا ہے کہ ہم نےترقی اورخوشحالی کے جامع پروگرام کو آگے بڑھایا، پنجاب حکومت نے عام آدمی کی فلاح وبہبود کیلئے اقدامات کئے۔

شہبازشریف کا کہنا تھا کہ صحت، تعلیم اوردیگرشعبوں کی ترقی کیلئے اقدامات کیے، وسائل عوام کی امانت سمجھتے ہوئے ان پر صرف کئے ہیں۔

انھوں نے کہا کہ سیاسی مخالفین کا ایجنڈا صرف بے بنیاد الزامات اور جھوٹ ہے، مخالفین کی پرواہ کئے بغیر ترقیاتی منصوبوں کی تکمیل کو یقینی بنایا،عوام کی خدمت ہمارا اوڑھنا بچھونا ہے۔


مزید پڑھیں : حکومت نےدل و جان سے عوام کی خدمت کی ہے، شہباز شریف


یاد رہے چند روز قبل بھی وزیراعلیٰ پنجاب محمد شہبازشریف کا کہنا تھا کہ 5سال بعدمسلم لیگ (ن) کی حکومت عوام کی عدالت میں سرخرو ہے، حکومت نےدل و جان سے عوام کی خدمت کی ہے۔

شہبازشریف کا کہنا تھا کہ جھوٹ بولنے اور یو ٹرن لینے والوں نے قوم کا قیمتی وقت ضائع کیا، آئندہ عام انتخابات میں سر اٹھا کر عوام کے پاس جائیں گے، بے بنیادالزامات کی سیاست ملک و قوم کیلئے زہر قاتل ہے، بہتان تراشیاں کرنے سے قوم کی منزل کھوٹی ہوتی ہے، جھوٹ بولنے والوں کو ہوش کے ناخن لینے چاہییں۔

وزیراعلی‌ٰ پنجاب کا کہنا تھا کہ ہماری سیاست کا محور صرف عوام کی خدمت ہے، مخالفین کی تنقید کی پرواہ نہیں، آخری سانس تک خدمت کرنا چاہتا ہوں۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں