The news is by your side.

Advertisement

نواز شریف اور شہباز شریف کی ون آن ون ملاقات

لندن: سابق وزیراعظم اور مسلم لیگ ن کے قائد نواز شریف سے چھوٹے بھائی وزیراعظم شہباز شریف نے ملاقات کی ہے۔

اے آر وائی نیوز کے مطابق سابق وزیراعظم نواز شریف اور شہباز شریف کی ملاقات اسحاق ڈار کے گھر میں ہوئی ہے، لیگی وزرا کی ملاقات علیحدہ اجلاس میں ہوگی۔

ذرائع کا بتانا ہے کہ ن لیگ کا اجلاس بھی جاری ہے جس میں ن لیگی وزرا اور نواز شریف موجود ہیں جس میں اہم فیصلے کیے جائیں گے۔

واضح رہے کہ اس سے قبل وزیراعظم شہباز شریف برٹش ایئرویز کی پرواز بی اے2260 سے لندن پہنچے تھے ، ن لیگی رہنما احسن اقبال ،مفتاح اسماعیل،ایازصادق،مریم اورنگزیب ، عطاتارڑ اور ملک احمد خان ان کے ہمراہ ہیں۔

وزیراعظم شہباز شریف پارٹی قائد نواز شریف کی طلبی پر لندن پہنچ گئے

خیال رہے مسلم لیگ ن کے اندر سے بھی قبل از وقت انتخابات کے لیے آوازیں اٹھنے لگیں اور بعض لیگی رہنماؤں نے فوری انتخابات میں جانے کا مشورہ دے دیا ہے۔

مشکل معاشی فیصلوں سے مقبولیت میں کمی پر ن لیگی قیادت لندن میں سر جوڑ کر بیٹھے گی، اجلاس میں الیکشن کیلئے بڑھتے دباؤ پر مشاورت کی جائے گی۔

گذشتہ روز معاشی اور سیاسی صورتحال پر نواز شریف نے لندن میں ہنگامی اجلاس طلب کیا تھا ، بعد ازاں وفاقی وزیراطلاعات مریم اورنگزیب نے بتایا تھا کلہ مسلم لیگ نون کا وفداپنے قائد نوازشریف سےملنےاورمشاورت کے لیے جارہا ہے، یہ کوئی غیرمعمولی چیزنہیں لیکن جن کی پارٹی میں مشاورت کا عمل نہیں ہوتا انہیں موقع مل گیا ہے۔

Comments

یہ بھی پڑھیں