site
stats
پاکستان

وزیراعلیٰ پنجاب کی مقتولہ زینب کےگھرآمد‘ اہلِ خانہ سےتعزیت

Shehbaz Sharif

قصور: وزیراعلیٰ پنجاب شہبازشریف نے مقتولہ زینب کے گھر پر پہنچ کر اہل خانہ سے تعزیت کرتے ہوئے کہا کہ افسوس ناک واقعے میں ملوث ملزمان کو جلد گرفتار کرلیا جائے گا۔

تفصیلات کے مطابق وزیراعلیٰ پنجاب شہبازشریف قصور میں واقع مقتولہ زینب کے گھر پہنچے اور اہل خانہ سے تعزیت کی، وزیراعلیٰ پنجاب کو ڈی پی او زاہد مروت نے واقعے سے متعلق بریفنگ دی۔

ترجمان پنجاب حکومت ملک احمد اورپولیس کے اعلیٰ افسران بھی شہبازشریف کے ہمراہ تھے۔

ڈی پی او قصورزاہد مروت نے کہا کہ زینب کیس میں ملوث ملزمان کوجلد گرفتارکرلیا جائے گا جبکہ واقعے کی تمام پہلوؤں سے تفتیش کررہے ہیں۔


آرمی چیف کی معصوم زینب کے قتل کی مذمت، مجرموں کی فوری گرفتاری کی ہدایت


وزیراعلیٰ پنجاب نے کہا کہ معصوم بچی کے قتل میں ملوث درندہ صفت ملزمان قانون کی گرفت سے بچ نہیں پائیں گے۔ انہوں نے کہا کہ کمسن بچی کے خاندان کو انصاف دلانا ان کی ذمہ داری ہے۔


قصور، زیادتی کے بعد قتل ہونے والی ننھی پری زینب سپرد خاک


خیال رہے کہ گزشتہ روز زیادتی کے بعد قتل ہونے والی سات سالہ کمسن بچی زینب کو آہوں اور سسکیوں کے ساتھ سپرد خاک کردیا گیا تھا ننھی پری کی نمازجنازہ علامہ طاہرالقادری نے پڑھائی تھی۔


وزیراعلیٰ پنجاب کا قصورمیں 7 سالہ بچی کے قتل کا نوٹس


یاد رہے کہ زینب کے والدین عمرےکی سعادت کے لئے سعودیہ عرب میں تھے کہ خالہ کے گھر مقیم کمسن زینب کو پانچ روز پہلے اغوا کیا گیا تھا، جس کے بعد سفاک درندوں نے بچی کو زیادتی نشانہ بنا کر قتل کردیا۔

واضح رہے کہ گذشتہ ڈیڑھ سال کے دوران قصورمیں بچیوں کواغواکےبعد قتل کرنے کا یہ دسواں واقعہ ہے اور پولیس ایک بھی ملزم کو گرفتار کرنے میں ناکام ثابت ہوئی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top