The news is by your side.

Advertisement

دن رات کام کرکے کراچی کی روشنیاں واپس لائیں گے: شہباز شریف

کراچی: مسلم لیگ ن کے صدر شہباز شریف نے کہا ہے کہ الیکشن میں کراچی مسائل کی آماج گاہ بن چکا ہے، اگلے الیکشن میں یہاں کے عوام جسے منتخب کریں گے، ہم اس کا ساتھ دیں گے.

ان خیالات کا اظہار وزیر اعلیٰ پنجاب نے پریس کانفرنس کرتے ہوئے کیا. اس سے قبل انھوں نے اے این پی، ایم کیوایم کے دونوں گروپوں اور دیگر اہم سیاسی و سماجی شخصیات سے ملاقات کی. ان ملاقاتوں‌ میں گورنرسندھ ، مشاہد حسین سید اور مشاہد اللہ خان بھی موجود تھے.

ان کا کہنا تھا کہ کراچی میں سڑکیں ٹوٹی ہوئی ہیں، پل نہیں، پبلک ٹرانسپورٹ نہیں، شہر میں‌ ہر طرف غلاظت کے ڈھیر ہیں، یہاں درجنوں سڑکیں اور فلائی اوور بننے کی ضرورت ہے.

انھوں نے مزید کہا کہ کراچی میں کام نہ ہونے کی وجوہات ہم جانتے ہیں، آج صرف بھائی چارے کی بات کررہا ہوں، ہم دن رات کام کرکے کراچی کی روشنیاں واپس لائیں گے، کراچی میں ایک گرین لائن نہیں، کئی میٹروز چلائیں گے، کراچی میں پانی، سالڈویسٹ کا مسئلہ حل کریں گے.

اس موقع پر انھوں نے کہا کہ ن لیگ کا پیغام لے کر کراچی آیا ہوں، آج مصروف دن گزارہ، کراچی میں مختلف سیاسی جماعتوں کےرہنماؤں سےملاقاتیں کیں.

شہباز شریف کا کہنا تھا کہ کے فورکے 50 فی صد فنڈز وفاق نے مہیا کیے، 20 ارب کے گرین لائن منصوبے کے لئے وفاق نے فنڈزفراہم کردیے، گرین لائن کے لئے بسیں سندھ حکومت لائی گی۔

انھوں نے مزید کہا کہ نئے صوبوں سےمتعلق ن لیگ پنجاب اسمبلی میں 2012 میں قرارداد لائی، نئے صوبوں کے لئے کمیشن بنایا جائے، وہ طے کرے کہاں صوبوں کی ضرورت ہے.

ایک صحافی کے شکوہ کے جواب میں‌ انھوں‌ نے ہنستے ہوئے کہا کہ اگلی بارکراچی آکر آپ سب کو برنس روڈ کی نہاری اور بندوخان کےکباب کھلاؤں گا۔


نواز شریف کل بھی ہمارے قائد تھے، آج بھی ہیں اور رہیں گے: شہباز شریف


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

 

Comments

comments

یہ بھی پڑھیں