The news is by your side.

Advertisement

کالا باغ ڈیم پر بات کرنا وقت کا زیاں ہے: شہباز شریف

کراچی: سابق وزیر اعلیٰ پنجاب شہباز شریف کا کہنا ہے کہ ملک میں سب سے بڑا چیلنج پانی کا ہے۔ بھاشا ڈیم کی تعمیر ہماری پہلی ترجیح ہوگی۔ کالا باغ ڈیم پر بات کرنا وقت کا زیاں ہے۔

تفصیلات کے مطابق صوبہ سندھ کے دارالحکومت کراچی میں تقریب سے خطاب کرتے ہوئے سابق وزیر اعلیٰ پنجاب شہباز شریف کا کہنا تھا کہ کراچی کے امن کے لیے رینجرز کو ذمے داریاں سونپی گئیں، رینجرز نے احسن طریقے سے کراچی میں امن قائم کیا۔

انہوں نے کہا کہ اب کراچی کے امن کا تسلسل جاری رکھنا ہے۔ 5 سال میں 10 ہزار میگا واٹ بجلی پیدا کی۔

شہباز شریف نے کہا کہ ملک میں سب سے بڑا چیلنج پانی کا ہے۔ بھاشا ڈیم کی تعمیر ہماری پہلی ترجیح ہوگی۔ الیکشن جیت کر پانی کی قلت پر قابو پائیں گے۔

انہوں نے کہا کہ بھاشا ڈیم کا کوئی نعم البدل نہیں ہے، کالا باغ ڈیم پر بات کرنا وقت کا زیاں ہے۔

شہباز شریف  کا مزید کہنا تھا کہ مستقبل کے لیے پائیدار منصوبہ بندی کرنی ہے۔ قومی وحدت پر کوئی سمجھوتہ نہیں کریں گے۔ آنے والی حکومت کو بھاشا ڈیم لازمی بنانا ہوگا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں