لندن : اپوزیشن لیڈر قومی اسمبلی اور مسلم لیگ ن کے صدر شہباز شریف کے صاحبزادے سیلمان شہباز نے کہا ہےوالد صاحب آٹھ جون کو وطن واپس پہنچیں گے اور انشاءاللہ اور بجٹ سیشن میں ایوان میں موجود ہوں گے۔
تفصیلات کے مطابق مسلم لیگ ن صدر شہباز شریف کے صاحبزادے سیلمان شہباز نے سماجی رابطے کی ویب سائٹ ٹوئٹر پر کہا مضحکہ خیز چہ مگوئیاں ایک بار پھر دم توڑ گئیں، شہباز شریف صاحب آٹھ جون کو وطن واپس جائیں گے انشاءاللہ اور بجٹ سیشن میں قائدِ حزبِ اختلاف کی حیثیت سے ایوان میں موجود ہوں گے۔
مضحکہ خیز چہ مگوئیاں ایک بار پھر دم توڑ گئیں۔ شہباز شریف صاحب 8 جون کو وطن واپس جائیں گے، انشاءاللہ اور بجٹ سیشن میں قائدِ حزبِ اختلاف کی حیثیت سے ایوان میں موجود ہوں گے۔ https://t.co/PbVqQDNmUW
— Ali Dar (@alimdar82) June 5, 2019
یاد رہے شہباز شریف کے وکیل احتساب عدالت کو یقین دہانی کرائی تھی کہ ان کے موکل 11 جون تک وطن واپس آجائیں گے اور عدالت میں پیش ہوں گے۔
نیب نے بھی شہبازشریف کانام ای سی ایل سے نکالنے کے معاملے سپریم کورٹ میں اپیل دوبارہ دائر کر رکھی ہے، جس میں کہا گیا خدشہ ہے شہباز شریف بیرون ملک فرار یا انڈرگراؤنڈ ہوجائیں گے اور ملزم کی عدم دستیابی پر نیب کی تحقیقات اور کارروائی رک جائےگی۔
واضح رہے 10 اپریل کو شہبازشریف لندن روانہ ہوئے تھے ، روانگی سے قبل شہباز شریف نے سماجی رابطے کی ویب سائٹ ٹوئٹر پر اپنے پیغام میں کہا تھا عدالتی حکم پرمجھےضمانت ملی،نام ای سی ایل سےنکالاجاچکاہے ، پوتے،پوتی کودیکھنےلندن جارہاہوں،اپناطبعی معائنہ کراؤں گا اور انشااللہ جلد وطن واپس آؤں گا۔
