The news is by your side.

عمران خان نے جھوٹ بول بول کر معیشت کا بیڑا غرق کر دیا: شہباز شریف

پتوکی: وزیراعلیٰ پنجاب شہباز شریف نے کہا ہے کہ نوازشریف کی وزارت تو چھین لی گئی، مگرعوام میں موجود محبت نہیں چھین سکتے.

ان خیالات کا اظہار انھوں نے پتوکی میں‌ عوامی جلسے سے خطاب کرتے ہوئے کیا. ان کا کہنا تھا کہ نوازشریف پورے پاکستان کی شان اور سیاست کا عظیم ستون ہے.

انھوں نے مخالفین کو آڑے ہاتھوں لیتے ہوئے کہا کہ عمران خان کو جھوٹ بولنے کے علاوہ کچھ نہیں آتا، کے پی عوام نے ووٹ دیا، عمران خان معاشی حالات کا بیڑا غرق کردیا، عمران خان نے دھرنا اور لاک ڈاؤن کرکے وقت ضائع کیا.عمران خان نےکے پی میں پانچ سال جھوٹ بول کربرباد کیے.

مسلم لیگ کے سینئر رہنما کا کہنا تھا کہ آج نوازشریف نے مجھے ن لیگ کا قائم مقام صدر منتخب کرایا، اللہ جب تک چاہے گا، نوازشریف ہمیشہ ن لیگ کے قائد رہیں گے، نوازشریف کی لیڈرشپ میں کام کریں گے.

شہبازشریف مسلم لیگ(ن) کے بلامقابلہ قائم مقام صدر منتخب

ان کا کہنا تھا کہ کراچی روشنیوں کا شہر تھا، آج وہا ں کچراہے، ٹوٹی ہوئی بسیں چلتی ہیں، کراچی والوں ن لیگ کو ووٹ دوگے تو کراچی کو لاہور بنادیں گے۔

اللہ ہمارے سروں پر نوازشریف کا سایہ ہمیشہ قائم رکھے،شہبازشریف

شبہاز شریف نے کہا کہ اورنج لائن ٹرین منصوبہ عوام کو مبارک ہو، ساڑھے چار سال میں اربوں ڈالر کی سرمایہ کاری کرکے بجلی کے منصوبے لگائے، ہم نے پاکستان سے لوڈشیڈنگ ختم کردی ہے، اورنج لائن منصوبہ چلے گا تو آپ کے ساتھ اس کی سیر کروں گا.

ان کا کہنا تھا کہ آج عوام کا سمندر گواہی دے رہا ہے، پورے پاکستان میں ن لیگ کی حکومت ہوگی، پتوکی کےعوام سے کہنا چاہتا ہوں، چار ماہ بعد الیکشن آنے والے ہیں.


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

Print Friendly, PDF & Email

Comments

comments

یہ بھی پڑھیں