The news is by your side.

Advertisement

شہباز شریف کا ایف آئی اے پیشی سے قبل عبوری ضمانت کرانے کا امکان

لاہور : اپوزیشن لیڈر شہباز شریف نے ایف آئی اے پیشی سے قبل عبوری ضمانت حاصل کرنے کا فیصلہ کرلیا، آج اپنی ضمانت کے لیے عدالت میں پیش ہوسکتے ہیں۔

تفصیلات کے مطابق اپوزیشن لیڈر شہباز کی جانب سے ایف آئی اے پیشی سےقبل عبوری ضمانت کرائے جانے کا امکان ہے ، ذرائع کا کہنا ہے کہ شہبازشریف آج اپنی ضمانت کے لیے عدالت میں پیش ہوسکتے ہیں، وہ ایف آئی اے کورٹ سےعبوری ضمانت کرائیں گے۔

یاد ررہے ایف آئی اے میں پیشی کے معاملے پر اپوزیشن لیڈر شہبازشریف اور ان کے صاحبزادے حمزہ شہباز نے وکلاسے مشاورت کی تھی ، جس پر وکلا نے دونوں کو ضمانت قبل از گرفتاری کا آپشن استعمال کرنےکا مشورہ دیا۔

ذرائع کا کہنا تھا کہ قانونی پہلوؤں کا جائزہ لیکرایف آئی اے پیشی پرجانےیا نہ جانےکافیصلہ ہوگا۔

یاد رہے شوگرانکوائری اسکینڈل میں ایف آئی اے نے تحقیقات کیلئے کل شہباز شریف کو طلب کیا ہے جبکہ حمزہ شہباز کو 24 جون کو طلب کیا ، ذرائع کے مطابق حمزہ شہباز کو رمضان شوگر ملز کے سی ای او کی حیثیت سے طلب کیا گیا، انکوائری میں شامل نہ ہونے پر انہیں گرفتار کیا جاسکتا ہے۔

Comments

یہ بھی پڑھیں