The news is by your side.

Advertisement

جب تک جان میں جان ہےعوام کی بے لوث خدمت کرتا رہوں گا‘ شہبازشریف

لاہور: وزیراعلیٰ پنجاب شہبازشریف کا کہنا ہے کہ خدمت کھوکھلے نعروں سے نہیں ہوتی، خدمت کے لیے مٹی کے ساتھ مٹی ہونا پڑتا ہے۔

تفصیلات کے مطابق وزیراعلیٰ پنجاب اور مسلم لیگ ن کے صدر شہبازشریف کا کہنا ہے کہ اللہ تعالیٰ کے فضل اور باشعور عوام کی حمایت سے ہرسازش ناکام ہوئی۔

شہبازشریف کا کہنا تھا کہ ن لیگ عوامی خدمت کا سفرپوری رفتارسے جاری رکھےگی، جب تک جان میں جان ہےعوام کی بے لوث خدمت کرتا رہوں گا۔

وزیراعلیٰ پنجاب کا کہنا تھا کہ مٹھی بھرعناصرعام آدمی کی ترقی کی مخالفت کرتے ہیں، خدمت کھوکھلے نعروں سے نہیں ہوتی، خدمت کے لیے مٹی کے ساتھ مٹی ہونا پڑتا ہے۔

شہبازشریف کا کہنا تھا کہ ترقی کے مخالفین نے ترقی کی جانب بڑھتے قدم روکنے کی سازش کی، قوم کومشکلات سے دوچار کرنے والوں کوعوام کی خوشحالی سے تکلیف ہے۔

وزیراعلیٰ پنجاب شہبازشریف کا کہنا تھا کہ مسلم لیگ ن نے ہمیشہ قوم کی ترقی اور خدمت کی سیاست کی ہے۔


عمران خان نے 11نکات پیش کردیے

خیال رہے کہ گزشتہ روز لاہور میں مینارپاکستان پرجلسے سے خطاب کرتے ہوئے عمران خان نے وزیراعلیٰ پنجاب پرتنقید کرتے ہوئے کہا تھا کہ ترقی میٹرو سے نہیں بلکہ انسانوں پرخرچ کرنے سے ہوتی ہے۔

چیئرمین پاکستان تحریک انصاف کا کہنا تھا کہ پل اورسڑکیں بنانے ے نہیں بلکہ بہترملک انسانوں پرپیسہ لگانے سے بنتا ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں