The news is by your side.

Advertisement

قومی ٹیم کے کوچ کا فیصلہ کرلیا، اعلان بعد میں کریں گے ، شہریارخان

لاہور : پاکستان کرکٹ بورڈ کے چیئرمین شہریارخان نے کہا کہ قومی ٹیم کے کوچ کا فیصلہ کرلیا گیا ہے، تاہم فی الحال نام کا اعلان نہیں کر سکتے، قومی ٹیم کا کوچ غیرملکی بھی ہو سکتا ہے، ان سے بات کرنے کے بعد ایک دو دن میں کوچ کا نام سب کے سامنے آ جائے گا۔

یہ بات انہوں نے پی سی بی کے اجلاس کے بعد پریس کانفرنس سے خطاب کرتے ہوئےکہی، شہریار خان کا کہنا تھا کہ کرکٹ کمیٹی اور ڈومیسٹک کرکٹ فیئرکوالگ الگ کیا جائے گا تاہم کرکٹ کمیٹی کی تجاویز کو سنا جائے گا اور ضروری ہے کہ ہم اپنے کوچز کو صحیح رکھیں۔

اس سے قبل پاکستان کرکٹ بورڈ کے گورننگ بورڈ کا اہم اجلاس چیئرمین پی سی بی شہریار خان کی زیر صدارت منعقد ہوا، اجلاس میں پاکستان کرکٹ ٹیم کے نئے ہیڈ کوچ کے تقرر کے حوالے سے غور وخوص کیا گیا۔

ذرائع کے مطابق اجلاس میں نئے ہیڈ کوچ کے لئے امیدوار شاٹ لسٹ کر لئے گئے ہیں۔  امیدواروں میں غیر ملکیوں کی تعداد زیادہ ہے۔

انگلینڈ سے تعلق رکھنے والے پیٹر مورس کوچنگ کیلئے پی سی بی کی پیشکش پہلے ہی مسترد کرچکے ہیں جبکہ جنوبی افریقہ سے تعلق رکھنے والے مکی آرتھر، اینڈی مولز اور ڈین جونز ہیڈ کوچ کی دوڑ میں شامل ہیں۔

فلاور براران نے بھی کوچنگ میں دلچسپی ظاہر کی ہے۔ ذرائع کے مطابق دوسری جانب عاقب جاوید سے بھی کرکٹ بورڈ رابطے میں ہے۔ امیدواروں کی فہرست بورڈ اراکین کے سامنے رکھی گئی جس کے بعد حتمی فیصلہ تمام اسٹیک ہولڈز کی مشاورت کے بعد کیا گیا۔

یاد رہے کہ وقار یونس کے مستعفی ہونے کے بعد قومی ٹیم کے ہیڈ کوچ کی جگہ خالی تھی۔

 

Comments

comments

یہ بھی پڑھیں