شوبز انڈسٹری کے معروف اداکار شہریار منور نے سائرہ یوسف کو اپنی پسندیدہ اداکارہ قرار دے دیا۔
اے آر وائی ڈیجیٹل کے ڈرامے صنف آہن میں مرکزی کردار ادا کرنے والے شہریار منور اور سائرہ یوسف نے ایک ٹاک شو میں شرکت کی اور اپنے ڈراموں اور فلموں سے متعلق سوالات کے جوابات دئیے۔
شہریار منور نے کہا کہ انہیں سائرہ یوسف بہت پسند ہیں اور جب انہیں ان کے ساتھ کام کرنے کا موقع ملا تو انہیں یقین نہیں آرہا تھا، سائرہ کو اپنے سامنے ہیل، لیدر کوٹ اور اڑتے بالوں میں دیکھ کر سب کو فلمی لگ رہا تھا۔
اداکار نے انکشاف کیا کہ سائرہ یوسف کھانا بہت اچھا بناتی ہیں اور ایک بار انہوں نے دعوت پر بلا کر بہت اچھا کھانا کھلایا تھا۔
میزبان نے کہا کہ مسکراتے ہوئے کہا کہ گزشتہ بار آپ شو میں مایا علی کے ساتھ آئے تھے تو ان کی خوب تعریفیں کررہے تھے اب سائرہ یوسف کی تعریفیں کیے جارہے ہیں۔
شہریار منور نے کہا کہ آپ ابھی تک وہیں پھنسے ہوئے ہیں، وقت بدل گیا ہے، تاریخ بدل گئی ہے۔
واضح رہے کہ ڈرامہ سیریل صنف آہن میں شہریار منور (میجر اسامہ) اور سائرہ یوسف (آرزو) کا کردار نبھا رہی ہیں، ڈرامے کی دیگر کاسٹ میں یمنیٰ زیدی، کبریٰ خان، سجل علی، رمشا خان ودیگر شامل ہیں۔
Here is an exclusive promo revealing the life story of Major Osama and his transformation as a strict trainer of PMA in the drama serial 'Sinf e Aahan'.
Watch #SheheryarMunawar playing this strong role!#SinfeAahan airs every Saturday at 8:00 PM only on #ARYDigital pic.twitter.com/f1zHWVMjHr— arydigitalasia (@arydigitalasia) December 20, 2021
ہدایت کار ندیم بیگ اور پاک فوج کے شعبہ تعلقات عامہ کے تعاون سے بنائے جانے والے ڈرامہ سیریل صنف آہن کی چار اقساط نشر ہوچکی ہیں جنہیں مداحوں کی جانب سے خوب سراہا گیا، ڈرامے کی پانچویں قسط ہفتے کی رات 8 بجے نشر کی جائے گی۔
