شہریار آفریدی کی رکنیت پہلے ہی معطل تھی، اسپیکر کا انکشاف -
The news is by your side.

Advertisement

شہریار آفریدی کی رکنیت پہلے ہی معطل تھی، اسپیکر کا انکشاف

اسلام آباد: گزشتہ روز قومی اسمبلی میں ہونے والے ہنگامے کے بعد اسپیکر قومی اسمبلی سردار ایاز صادق نے انکشاف کیا ہے کہ شہریار آفریدی کی رکنیت معطل تھی۔ معلوم ہوتا تو ایوان میں بیٹھنے نہ دیتا۔ تحریک انصاف نے معاملے پر سخت ردعمل کا اظہار کیا ہے۔

تفصیلات کے مطابق اسپیکر قومی اسمبلی سردار ایاز صادق نے انکشاف کیا ہے کہ تحریک انصاف کے رکن شہریار آفریدی کی رکنیت گوشوارے جمع نہ ہونے کے باعث معطل تھی۔ اگر انہیں معاملے کا علم ہوتا تو انہیں ایوان میں بیٹھنے نہیں دیا جاتا۔

الیکشن کمیشن کے ذرائع کا کہنا ہے کہ شہریار آفریدی کی بحالی کے نوٹی فکیشن پرکام جاری ہے، شہریار نے اثاثوں کے نا مکمل گوشوارے جمع کروائے۔

واضح رہے کہ تحریک انصاف کے شہریار آفریدی این اے 14 کوہاٹ سے منتخب ہوئے تھے۔ ذرائع کے مطابق رکنیت معطل ہونے کے باوجود شہریار آفریدی اجلاس میں شریک ہوئے۔ قانون کے مطابق بحالی کا نوٹیفکیشن جاری ہونے تک کوئی رکن اجلاس میں شرکت نہیں کر سکتا۔

دوسری جانب شہریار آفریدی کی رکنیت معطل ہونے کے معاملے پر تحریک انصاف کا شدید ردعمل سامنے آیا ہے۔ شاہ محمود قریشی نے واضح لفظوں میں کہہ دیا کہ اگر ایسا ہوا تو وہ پیر کو ہونے والے اجلاس کا بائیکاٹ کریں گے۔

انہوں نے کہا کہ حملہ بھی ہم پر ہوا اور سزاوار بھی ہم ہی قرار پائے۔

شیریں مزاریں کا کہنا ہے کہ شہریار آفریدی کے خلاف یہ الیکشن کمیشن کی شرارت ہے۔

تحریک انصاف کے اراکین نے واضح طور پر اعلان کردیا ہے کہ اگر ہنگامے پر شہریار آفریدی معطل ہوئے تو پیر کو ان کی جانب سے اجلاس کا بائیکاٹ کیا جائے گا۔

Comments

comments

یہ بھی پڑھیں