The news is by your side.

Advertisement

سب کچھ قربان کردیں گے کشمیر پر سمجھوتہ نہیں کریں گے: شہریار آفریدی

اسلام آباد: وزیر برائے سرحدی امور شہریار آفریدی کا کہنا ہے کہ سب کچھ قربان کردیں گے کشمیر پر سمجھوتہ نہیں کریں گے، کسی بھی قسم کی جارحیت ہوئی تو پاکستان تیار ہے۔

تفصیلات کے مطابق وزیر برائے سرحدی امور شہریار آفریدی کا کہنا ہے کہ پوری دنیا پاکستان کے مؤقف کی حمایت کر رہی ہے، یورپی یونین سمیت ہر فورم پر کشمیر کی بات ہورہی ہے۔

شہریار آفریدی کا کہنا تھا کہ سب کچھ قربان کردیں گے کشمیر پر سمجھوتہ نہیں کریں گے۔ کسی بھی قسم کی جارحیت ہوئی تو پاکستان تیار ہے۔ خدانخواستہ ایٹمی جنگ ہوتی ہے تو دنیا پر بہت گہرے اثرات ہوں گے۔

انہوں نے کہا کہ پاکستان کسی کے آگے سر نہیں جھکائے گا۔ مولانا فضل الرحمٰن کی عزت کرتا ہوں، ہم سب پر فرض ہے بزرگوں اور بڑوں کو عزت دیں۔ مولانا صاحب نے کشمیر کمیٹی کے چیئرمین کی حیثیت سے کیا کیا، مولانا قوم کو گمراہ کر رہے ہیں۔

شہریار آفریدی کا کہنا تھا کہ مولانا فضل الرحمٰن صاحب جتنے لوگ لا سکتے ہیں لے آئیں، مولانا صاحب مدرسوں کے بچوں کو ذاتی مفاد کے لیے استعمال کر رہے ہیں۔

انہوں نے کہا ہ ہم کنٹینر اور حلوہ بھی دیں گے مگر آپ کا اقتدار کا خواب پورا نہیں ہوگا، آپ کبھی مریم نواز تو کبھی بلاول کے پیچھے بھاگ رہے ہیں۔ اللہ پر جس کو یقین ہوتا ہے وہ کسی کے پیچھے نہیں بھاگتا۔

Comments

comments

یہ بھی پڑھیں