The news is by your side.

Advertisement

سب کو اپنے اعمال کا جواب دینا ہوگا، یہی نیا پاکستان ہے: شہریار آفریدی

اسلام آباد: وزیر برائے انسداد منشیات شہریار آفریدی نے کہا ہے کہ سب کو اپنے اعمال کا جواب دینا ہوگا، یہی نیا پاکستان ہے.

ان خیالات کا اظہار انھوں نے مسلم لیگ ن کے سینئر رہنما شہریار آفریدی کی گرفتاری پر ردعمل دیتے ہوئے کیا. ان کا کہنا تھا کہ راناثنااللہ کو اے این ایف (اینٹی نارکوٹکس فورس) نے گرفتار کیا ہے، اےاین ایف ایک ذمہ دارفورس ہے.

شہریار آفریدی نے کہا کہ رانا ثنا اللہ کوعدالت میں خود بے گناہ ثابت کرنا ہے،اےاین ایف نے ثبوت کی بنیاد پر اپنا کیس پیش کرنا ہے.

وزیر برائے انسداد منشیات شہریار آفریدی نے کہا کہ وزیراعظم کا وژن ہے کہ قانون سب کے لئے برابر ہے.

کوئی قانون سے بالاتر نہیں، سب قانون کے سامنے جواب دہ ہیں، نئے پاکستان میں‌ اب یہی قانون ہوگا.

مزید پڑھیں: رانا ثنا اللہ کو دلیرانہ موقف کی وجہ سے گرفتار کیا گیا، مریم نواز کا ٹویٹ

خیال رہے کہ لیگی رہنما رانا ثنا اللہ کو آج منشیات اسمگلنگ کے الزام میں گرفتار کیا گیا، رانا ثنا اللہ کی گاڑی سے بھاری مقدار میں منشیات برآمد ہوئی.

اے این ایف (اینٹی نارکوٹکس فورس) نے راناثناکےخلاف مقدمہ درج کر لیا ہے. انھیں کل عدالت میں پیش کیا جائے گا، اپوزیشن کی جانب سے اس گرفتاری کو انتقامی کارروائی قرار دیا گیا ہے.

Comments

comments

یہ بھی پڑھیں