The news is by your side.

Advertisement

شہباز شریف نے میرے 18سوالوں کا اب تک جواب نہیں دیا، بیرسٹر شہزاد اکبر

اسلام آباد : وزیر اعظم کے معاون خصوصی برائے احتساب بیرسٹر شہزاد اکبر نے کہا ہے کہ شہبازشریف سے کرپشن کے بارے میں چند سوالات کیے تھے جس کا انہوں نے اب تک کوئی جواب نہیں دیا۔

یہ بات انہوں نے پارلیمنٹ ہاؤس کے باہر میڈیا سے گفتگو کرتے ہوئے کہی، شہزاد اکبر نے کہا کہ میں ایک بار پھر کہتا ہوں کہ شہباز شریف میرے ان 18 سوالات کا جواب دیں۔

شہباز شریف کیوں نہیں بتاتے کہ نثار احمد اور علی احمد سے ان کا کیا تعلق تھا؟ منی لانڈرنگ سےاربوں روپے کی کرپشن کی گئی، ہم ان جعلی کمپنیوں کے بارے میں آپ کے جواب کے منتظر ہیں۔

انہوں نے کہا کہ شہباز شریف جون 2018ء میں آپ کی کرپشن کے بارے میں شائع کرنے والے برطانوی جریدے ڈیلی میل کے صحافی کے خلاف آج تک برطانوی عدالت میں کیوں نہیں گئے؟جبکہ آپ نے تو دعوی کیا تھا کہ آپ برطانوی صحافی کو برطانوی عدالت سے پاکستان کی کھوئی ہوئی ساکھ کو برطانوی عدالت سے بحال کرائیں گے۔

اس سے ثابت ہوا کہ ان کی عزت صرف برطانیہ سے بحال ہو سکتی ہے،پاکستان میں نہیں ہو سکتی، جیسےاِن کی صحت پاکستان کے ہسپتالوں میں بحال نہیں ہو سکتی اِس طرح اُن کی عزت بھی پاکستان کی عدالتوں میں بحال نہیں ہو سکتی۔

شہباز شریف کہتے تھے کہ اُنہوں نے ایک دھیلے کی بھی کرپشن نہیں کی مگر اُنہوں نے مارگلہ میں اپنی بیگم کے لیے خریدے گئے ولاز کی ادائیگی بھی کرپشن کے پیسوں سے کی۔

معاون خصوصی کا کہنا تھا کہ ن لیگ کی بدعنوانی کے خلاف کیسزعدالت میں دائر کیے جاچکے ہیں،ملزمان کے بیرون ملک مفرور ہونے کے سبب مقدمات میں پیشرفت نہیں ہو پارہی۔

Comments

comments

یہ بھی پڑھیں