The news is by your side.

شہزاد رائے کا ننھے فوجی بینڈ کے لیے آلاتِ‌ موسیقی کا تحفہ، ویڈیو دیکھیں

کراچی: پاکستانی گلوکار اور سماجی رہنما شہزاد رائے نے نوجوان فوجی بینڈ کو موسیقی کے آلات تحفے میں دے دیے۔

شہزاد رائے نے سماجی رابطے کی ویب سائٹ پر ایک ویڈیو شیئر کی، جس میں چند بچے فوجی بینڈ کی طرح گھی کے ڈبے اور دیگر اشیا سے دھن بجا رہے تھے۔

گلوکار نے ان بچوں تک پہنچنے کے لیے عوام سے مدد بھی مانگی۔

اب شہزاد رائے نے بتایا کہ ان باصلاحیت لڑکوں کا تعلق ہنزہ سے ہے، جن کو میں نے موسیقی کے آلات بھیج دیے ہیں۔انہوں نے عاصم اور اسد بھائی کا شکریہ ادا کیا۔

شہزاد رائے کے اس اقدام کو صارفین نے بہت سراہا اور اُن کے جذبے کی تعریف بھی کی۔

واضح رہے کہ شہزاد رائے نے ان بچوں کی ویڈیو گزشتہ ماہ سماجی رابطے کی ویب سائٹ ٹویٹر پر شیئر کی تھی، جس پر بالی ووڈ اداکار انوپم کھیر درمیان میں آئے اور انہوں نے دعویٰ کیا تھا کہ ان بچوں کا تعلق بھارت سے ہے۔ بعد ازاں جب انہیں تصدیق ہوئی تو انہوں نے معذرت بھی کی تھی۔

Comments

یہ بھی پڑھیں