The news is by your side.

Advertisement

دبئی کے حکمران شیخ محمد بن راشد المکتوم کے بھائی انتقال کرگئے

اسلام آباد : دبئی کے حکمران شیخ محمد بن راشد المکتوم کے بھائی شیخ حمدان بن راشد انتقال کرگئے ، وہ کافی عرصے سے علیل تھے۔

تفصیلات کے مطابق دبئی کے حکمران شیخ محمد بن راشد المکتوم نے سماجی رابطے کی ویب سائٹ ٹوئٹر پر اپنے بھائی شیخ حمدان بن راشد کے انتقال کی تصدیق  کرتے ہوئے کہا میرا بھائی میرا ساتھی اب اس دنیا میں نہیں رہا۔

شیخ حمدان بن راشد کافی عرصے سے علیل تھے، وہ متحدہ عرب امارات کے وزیرخزانہ اور دبئی کے نائب حکمران بھی تھے۔

شیخ حمدان بن راشد نے متحدہ عرب امارات کی فائنانس پالیسیز اور اقتصادی ترقی میں اہم کردار ادا کیا، انھیں یہ اعزاز حاصل رہا کہ وہ 1971 میں متحدہ عرب امارات کی پہلی کابینہ میں بطور وزیر خزانہ شامل ہوئے اور آخری وقت تک یہ قلمدان ان کے پاس رہا۔

شیخ حمدان کے انتقال پر دبئی میں دس روزہ سو گ کا اعلان کیا گیا ہے، اس دوران قومی پرچم سر نگوں رہے گا اور تین روز کیلئے حکومتی امور بھی معطل کردئیےگئے ہیں۔

متحدہ عرب امارات کی تمام مساجد میں مغرب کے بعد غائبانہ نماز جنازہ ادا کی جائے گی۔

دبئی کے نائب حکمران شیخ حمدان کے انتقال پر دنیابھر کے رہنما افسوس کا اظہار کر رہے ہیں، اے آروائی فیملی کی جانب سے شیخ حمدان بن راشد کے انتقال پر اظہارافسوس کیا گیا۔

Comments

یہ بھی پڑھیں