تازہ ترین

خاتون ٹیچر کی ویڈیو وائرل، شیخ محمد بن راشد المکتوم نے نوٹس لے لیا

دبئی: متحدہ عرب امارات کی ریاست العین میں خاتون ٹیچر کی ویڈیو وائرل ہوئی، متحدہ عرب امارات کے وزیراعظم اور نائب صدر شیخ محمد بن راشد المکتوم نے ویڈیو کا نوٹس لے لیا۔

غیرملکی خبررساں ادارے کی رپورٹ کے مطابق یو اے ای کی ریاست العین کے اسکول میں خاتون ٹیچر سخت سردی میں بچوں کو خوش آمدید کہنے کے لیے دروازے پر موجود رہیں اور انہیں گلے لگا کر کلاس روم کی جانب بھیجتی رہیں جس کی ویڈیو سوشل میڈیا پر وائرل ہوگئی۔

شیخ محمد بن راشد المکتوم نے بدھ کے روز ایک متاثر کن خاتون ٹیچر کے بارے میں استفسار کیا اور اس ویڈیو کو سوشل میڈیا پر شیئر بھی کیا۔

یو اے ای کے حکمران کا کہناتھا کہ وہ ایک وائرل کلپ میں اساتذہ کی شناخت کریں، جب انہوں نے سردی کی صبح اسکول میں طلبا کا گرم جوشی سے استقبال کیا اور اپنے چہرے پر مسکراہٹ ڈال کر اپنے کیئرنگ اور محبت کا مظاہرہ کیا۔

ویڈیو میں دیکھا جاسکتا ہے کہ خاتون ٹیچر اسکول میں بچوں کو خوش آمدید کررہی ہیں اور انہیں گلے لگارہی ہیں۔

حکام کچھ ہی گھنٹوں میں مذکورہ ٹیچر کی نشاندہی کرنے میں کامیاب ہوگئے اور مقامی میڈیا نے اطلاع دی کہ یہ استاد سماجی کارکن شیخہ النائمی ہیں جو العین کے عالیہ اسکول میں تدریسی فرائض انجام دے رہی ہیں۔

النائمی نے ٹویٹر پر اپنے تمام فالوورز کا ویڈیو شیئر کرنے پر شکریہ ادا کرتے ہوئے کہا ہے کہ ان کی یہ ویڈیو بچوں کے استقبال کرنے کا ایک منفرد اور اچھا عمل ہے۔

شیخہ النائمی نے کہا کہ وہ اپنے کام پر فخر محسوس کرتی ہیں اور خوش ہیں کہ اللہ سے دعا کرتی ہیں کہ وہ طلبا کو ان کے والدین اور اپنے ملک کے لیے بہتر بنائیں۔

Comments

- Advertisement -