The news is by your side.

Advertisement

عمران خان کی حکومت انشااللہ 5 سال پورے کرے گی، شیخ رشید

سکھر: وفاقی وزیر ریلوے شیخ رشید احمد کا کہنا ہے کہ حکومت کے پاس سیاسی تعویز بھی ہوتے ہیں، سارے سینیٹرسوچ سمجھ کرووٹ دیں گے۔

تفصیلات کے مطابق سکھر میں میڈیا سے گفتگو کرتے ہوئے وفاقی وزیر ریلوے شیخ رشید احمد نے کہا کہ یہ سب ہاتھ لگا کر روئیں گے، یہ سارے اپنی چوری بچانے کے لیے اکھٹے ہوئے ہیں، ان کے کفن میں بھی جیبیں لگی ہوئی ہیں۔

وزیر ریلوے نے کہا کہ مولانا فضل الرحمان آپ غلط کھیل رہے ہیں، مولانا صاحب آپ دینی مدرسوں کوبھی نقصان پہنچائیں گے۔

شیخ رشید احمد نے کہا کہ ہمیں نیب میں سرکاری افسروں کے لیے ترمیم لانی چاہیے۔ انہوں نے کہا کہ حکومت کے پاس سیاسی تعویز بھی ہوتے ہیں، سارے سینیٹرسوچ سمجھ کرووٹ دیں گے۔

وفاقی وزیر ریلوے نے مزید کہا کہ وزیراعظم عمران خان کی حکومت انشااللہ 5 سال پورے کرے گی۔

مہنگائی چوروں اور ڈاکوؤں کی وجہ سے ہے جو پیسے لے گئے، شیخ رشید

یاد رہے کہ گزشتہ روز وفاقی وزیر ریلوے شیخ رشید احمد کا کہنا تھا کہ صوبے کی نہیں قومی سیاست کرتا ہوں ، مہنگائی چوروں اور ڈاکوؤں کی وجہ سے ہے جو پیسے لے گئے۔

Comments

comments

یہ بھی پڑھیں