ریلوے اسٹیشنز کے باہرتجاوزات فی الفورہٹائی جائیں‘ شیخ رشید -
The news is by your side.

Advertisement

ریلوے اسٹیشنز کے باہرتجاوزات فی الفورہٹائی جائیں‘ شیخ رشید

ملتان: وفاقی وزیرریلوے شیخ رشید احمد کا کہنا ہے کہ افسران خود مسافروں سے پوچھیں ان کوسفرمیں کوئی تکلیف تونہیں ہوئی۔

تفصیلات کے مطابق وزیرریلوے شیخ رشید احمد نے ملتان ڈی ایس آفس میں بریفنگ دیتے ہوئے کہا کہ ریلوے اسٹیشنز کے باہرتجاوزات فی الفورہٹائی جائیں۔

شیخ رشید احمد نے کہا کہ ٹرینوں کے اندراورریلوے اسٹیشنوں پرصفائی کا نظام بہترکیا جائے، اگلے ہفتے ریلوے میں ہفتہ صفائی منانے جا رہے ہیں۔

انہوں نے کہا کہ ساہیوال، بہاولپورریلوے اسٹیشنوں کی نئی عمارت کا کام بروقت کیا جائے، ملتان ڈویژن سے فریٹ آپریشن کوبڑھایا جائے۔

وفاقی وزیر ریلوے نے کہا کہ ریلوے افسران اوراہلکارمسافروں سے خوش اخلاقی سے پیش آئیں، ریل غریب کی سواری ہے، افسران خود مسافروں سے پوچھیں ان کوسفرمیں کوئی تکلیف تونہیں ہوئی۔

رواں سال 15 کے بجائے 20 نئی ٹرینیں چلائیں گے: شیخ رشید

یاد رہے کہ گزشتہ ہفتے وفاقی وزیر ریلوے شیخ رشید کا کہنا تھا کہ پہلے 15 ٹرینوں کا کہا تھا لیکن رواں سال 20 نئی ٹرینیں چلائیں گے بڑا اعلان کر رہا ہوں۔ ٹرینوں میں کرایوں کی 3 کیٹگریز بنانے جا رہے ہیں۔

شیخ رشید احمد کا کہنا تھا کہ جو افسرکام نہیں کرے گا وہ گھر جائے گا، کرپشن پرزیرو ٹالرنس ہے۔

Comments

comments

یہ بھی پڑھیں