The news is by your side.

Advertisement

جو کشمیرکا غدار ہوگا وہ مودی کا یارہوگا، شیخ رشید احمد

مظفرآباد: وفاقی وزیر ریلوے شیخ رشید احمد کا کہنا ہے کہ دنیا کے محاذ پرکشمیریوں کا کیس لڑا ہے، فاشسٹ آمر، ہٹلر، نازی مودی نے غلطی کی ہے، بھارت کا ایجنڈا ہے مسلمانوں کو یرغمال بنا کر قابض رہے۔

تفصیلات کے مطابق مظفرآباد میں مقبوضہ کشمیر سے اظہار یکجہتی کے لیے نکالی گئی ریلی سے خطاب کرتے ہوئے شیخ رشید احمد نے کہا کہ مقبوضہ کشمیر سے متعلق حالیہ اقدام بھارتی قیادت کا سوچا سمجھا منصوبہ ہے، نازی مودی کے احمقانہ اقدامات بھارت کو لے ڈوبیں گے۔

شیخ رشید نے کہا کہ مودی کی وجہ سے پاکستان میں ہم سب ایک ہوگئے، جو کشمیر کا غدار ہوگا وہ مودی کا یار ہوگا، جو کشمیرکے ساتھ ہوگا وہ راجکمار ہوگا۔

وفاقی وزیر ریلوے نے کہا کہ پاکستان کو اندر سے توڑنا بھارت کا ایجنڈا ہے اور بھارت کا آزاد کشمیر پرحملہ کرنا اعلان جنگ ہوگا۔

انہوں نے کہا کہ فاشسٹ آمر، ہٹلر، نازی مودی نے غلطی کی ہے، بھارت کا ایجنڈا ہے مسلمانوں کو یرغمال بنا کر قابض رہے۔

قبل ازیں وزیر ریلوے نے صدر آزاد کشمیر مسعود خان سے ملاقات کی تھی جس میں انہوں نے صدر آزاد کشمیر کو یقین دہانی کروائی کہ وزیراعظم عمران خان کی قیادت میں مقبوضہ کشمیر کا مقدمہ ہرفورم پرلڑا جائے گا اور ساری دنیا کو بھارتی مظالم سے آگاہ کیا جائے گا۔

مقبوضہ کشمیر میں 21ویں روز بھی کرفیو

واضح رہے کہ مقبوضہ کشمیر میں آج مسلسل 21ویں روز بھی کرفیو برقرار ہے اور مواصلات کا نظام مکمل پر معطل ہے، قابض انتظامیہ نے ٹیلی فون سروس بند کررکھی ہے جبکہ ذرائع ابلاغ پرسخت پابندیاں عائد ہیں۔

کشمیرمیڈیا سروس کے مطابق مواصلاتی نظام کی معطلی، مسلسل کرفیو اور سخت پابندیوں کے باعث لوگوں کو بچوں کے لیے دودھ، زندگی بچانے والی ادویات اور دیگر اشیائے ضروریہ کی شدید قلت کا سامنا ہے۔

Comments

comments

یہ بھی پڑھیں