روالپنڈی: عوامی مسلم لیگ کے سربراہ شیخ رشید احمد نے کہا ہے کہ نیب کے فیصلے نے پاکستان کے مستقبل کی سیاست کا تعین کردیا، سب کو احتساب ہوتا نظر آرہا ہے، اب غریب کے ساتھ امیر کو بھی سزا ہوگی۔
تفصیلات کے مطابق نیب کی جانب سے ایون فیلڈ ریفرنس کا فیصلہ سامنے آنے کے بعد عوامی مسلم لیگ کے سربراہ نے مطالبہ کیا کہ شریف خاندان نے عوام کے پیسے لوٹے، یہ ساری دولت پاکستان واپس لائی جائے۔
اُن کا کہنا تھا کہ آج کےفیصلےنےپاکستان کےمستقبل کی سیاست کارخ تعین کردیا، نوازشریف فیصلے پر اگر اپیل کرنا چاہیں گے تو 10 روز میں پاکستان واپس آجائیں گے۔
مزید پڑھیں: ایون فیلڈ ریفرنس: نوازشریف / مریم نوازکو قید کی سزا
شیخ رشید احمد کا کہنا تھا کہ نوازشریف کو نیب کی جانب سے سزا کے بعد ہمدردی کاووٹ پڑتانظرنہیں آرہا، شریف خاندان نے ایون فیلڈفلیٹس کوفروخت کرنےکی کوشش کی مگر وہ اس میں ناکام رہے۔
عوامی مسلم لیگ کے سربراہ کا کہنا تھا کہ شہبازشریف،شاہدخاقان وکٹ کےدونوں طرف کھیل رہےہیں، نوازشریف اپنے بچاؤ کے لیے کچھ ثابت نہیں کرسکے جس سے ثابت ہوگیا کہ وہ کون ہیں۔
یہ بھی پڑھیں: کرپشن کا گاڈ فادر اپنے انجام کو پہنچ گیا، طاہر القادری
شیخ رشید کا کہنا تھا کہ نوازشریف پہلے ہی نااہل ہیں اب مریم نواز بھی نااہل ہوگئی ہیں مگر معلوم نہیں کیپٹن(ر)صفدرکی نااہلی سےمتعلق کیافیصلہ ہوگا، مریم نواز نے عدالت میں جمع کرائی جانے والی دستاویزات پر جعلی دستخط کیے۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں