عوامی مسلم لیگ کے سربراہ اور سابق وفاقی وزیر شیخ رشید نے کہا ہے کہ ملک کا معاشی اور پی ڈی ایم کا سیاسی دیوالیہ ہوگیا ہے۔
عوامی مسلم لیگ کے سربراہ اور سابق وفاقی وزیر شیخ رشید نے سماجی رابطوں کی ویب سائٹ ٹوئٹر پر موجودہ پی ڈی ایم حکومت پر کڑی تنقید کی ہے۔
اے آروائی نیوز براہِ راست دیکھیں live.arynews.tv پر
شیخ رشید نے ٹوئٹ میں کہا ہے کہ بجلی کے بل غریب کی جیب پر ڈاکا ہے جو پہلے ہی خالی تھی، ملک کا معاشی اور پی ڈی ایم کا سیاسی دیوالیہ ہوگیا ہے، 20 کلومیٹر کی حکومت چاروں طرف سے محاصرے میں ہے۔
سابق وفاقی وزیر اپنے ٹوئٹ میں ایک بار پھر اپنے اس دعوے کو دہرایا کہ پی ڈی ایم ٹوٹ پھوٹ کا شکار ہے اور جلد ن اور ش آمنے سامنے آنے والی ہیں، چور کے لگنے والے نعرے سے خوفزہ وزرا باہر نہیں نکل رہے اور اسٹیٹ گیسٹ ہاؤس استعمال کر رہے ہیں۔
انہوں نے مزیا کہا کہ ایک طرف سیلاب تو دوسری طرف حکمرانوں کا عذاب ہے، ملک کو سرحدوں سے نہیں اندر سے خطرہ لاحق ہے، تباہی دروازے پر دستک دے رہی ہے اور نیرو بانسری بجا رہا ہے۔
شیخ رشید نے کہا کہ سوشل اور ڈیجیٹل میڈیا پر پابندی کا وقت گزر گیا، اب صرف الیکشن کا وقت آنے والا ہے۔
ایک طرف سیلاب ہے اور دوسری طرف حکمران کا عذاب ہے۔ سب سے زیادہ گیم چینجر پریشان ہیں کہ یہ کیا ہوگیا ہے۔ ملک کو سرحدوں سے نہیں اندر سے خطرہ لاحق ہے۔ تباہی دروازے پردستک دے رہی ہےاورنیرو بانسری بجا رہا ہے۔ سوشل اورڈیجیٹل میڈیا پرپابندی کا وقت گزر گیا،اب صرف الیکشن کا وقت آنے والا ہے
— Sheikh Rashid Ahmed (@ShkhRasheed) August 23, 2022
