تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

وعدہ کرتا ہوں بھیس بدل کربھی ریل گاڑیوں کوچیک کروں گا‘ شیخ رشید

راولپنڈٰی: وفاقی وزیرریلوے شیخ رشید احمد کا کہنا ہے کہ ریلوے کوایک سال کے اندرخسارے سے نکالیں گے اور ایک مرتبہ پھر ریلوے کواپنے پاؤں پرکھڑا کر کے دکھائیں گے۔

تفصیلات کے مطابق راولپنڈی میں میڈیا سے گفتگو کرتے ہوئے وفاقی وزیرریلوے شیخ رشید احمد نے کہا کہ 20 دن میں 2 ٹرینیں تیارکی گئی ہیں، جن مزدوروں نے دن رات کام کیا انہیں 5،5 ہزارانعام دیں گے۔

انہوں نے کہا کہ ہماری بہت سی ٹرینیں پرانی ہوچکی ہیں جنہیں اپ ڈیٹ کررہے ہیں، ہمارے پاس وسائل نہیں لیکن پھربھی کام کریں گے۔

وفاقی وزیرریلوے نے کہا کہ خزانہ خالی ملا ہے لیکن پھربھی اپنے وسائل پر کام کریں گے اور ایک مرتبہ پھر ریلوے کو اپنے پاؤں پرکھڑا کرکے دکھائیں گے۔

شیخ رشید احمد نے کہا کہ ریلوے کوایک سال کے اندرخسارے سے نکالیں گے، میرا سب سے بڑا ٹاسک ریلوے کے خسارے کو کم کرنا ہے۔

انہوں نے کہا کہ میانوالی سے راولپنڈی اور راولپنڈی سے لاہور نئی ٹرین چلیں گی، دو نئی ٹرینیں تیار کرنے والے مزدوروں کوانعام دیا جائے گا۔

وفاقی وزیرریلوے شیخ رشید احمد نے مزید کہا کہ ریلوے کی آمدن بڑھانے کے لیے دیگرذرائع بھی استعمال کریں گے۔

شیخ رشید احمد نے کہا کہ آئندہ ہفتے رحمان بابا ایکسپریس پشاورسے کراچی تک چلائیں گے، جب تک وفاقی وزیرہوں کسی کچی آبادی کومتاثرنہیں کروں گا۔

Comments

- Advertisement -