شیخ رشید نےالیکشن کمیشن میں وزیراعظم کی نااہلی کے لیے درخواست جمع کرا دی -
The news is by your side.

Advertisement

شیخ رشید نےالیکشن کمیشن میں وزیراعظم کی نااہلی کے لیے درخواست جمع کرا دی

اسلام آباد: عوامی مسلم لیگ کے سربراہ شیخ رشید نے وزیراعظم شاہد خاقان عباسی کی نا اہلی کے لیے الیکشن کمیشن آف پاکستان میں درخواست دائر کردی۔

تفصیلات کے مطابق الیکشن کمیشن میں وزیراعظم شاہد خاقان عباسی کے خلاف درخواست دائر کرنے کے بعد میڈیا سے بات کرتے ہوئے شیخ رشید کا کہنا تھا کہ ایل این جی اسکینڈل کرپشن کا سمندر ہے جبکہ وزیراعظم اس کے مرکزی پارٹنز ہیں۔

عوامی مسلم لیگ کے سربراہ شیخ رشید کا کہنا تھا کہ وزیراعظم صادق اور امین نہیں رہے اور انہوں نے الیکشن کمیشن سے درخواست کی ہے کہ وہ وزیراعظم شاہد خاقان عباسی کو نا اہل قراردے اور ان کا نام ای سی ایل میں ڈالا جائے۔

انہوں نے کہا کہ ایان علی کا نام 5 لاکھ ڈالر پر ای سی ایل میں ڈالا گیا جب وہ پکڑی جا سکتی ہے تو یہ کیوں نہیں پکڑے جا سکتے۔

شیخ رشید احمد کا کہنا ہے کہ اگر الیکشن کمیشن آف پاکستان نے ریفرنس مسترد کیا تو سپریم کورٹ جاؤں گا۔ انہوں نے کہا کہ پاکستان میں کیسز کا طوفان آنے والا ہے اور والیم 10 پر کئی ممالک سے جواب آنا شروع ہوگئے ہیں۔


حدیبیہ پیپرملز ریفرنس دائر کرنے میں تاخیر، شیخ رشید نے سپریم کورٹ سے رجوع کرلیا


واضح رہے کہ 3 روز قبل عوامی مسلم لیگ کے سربراہ شیخ رشید نے سپریم کورٹ میں حدیبیہ پیپرملز کیس میں نیب کی اپیل دائر نہ کرنے کے خلاف درخواست دائر کی تھی۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

Comments

comments

یہ بھی پڑھیں