The news is by your side.

Advertisement

‘نوازشریف کی سیاست نسلہ ٹاور اور پیپلزپارٹی کی سیاست تجوری ہائٹس کی طرح گرے گی’

راولپنڈی:وفاقی وزیر داخلہ شیخ رشید کا کہنا ہے کہ نوازشریف کی سیاست نسلہ ٹاور اور پیپلزپارٹی کی سیاست تجوری ہائیٹس کی طرح گرے گی، یہ لوگ عمران خان کاکچھ نہیں بگاڑ سکتے۔

تفصیلات کے مطابق یوم یکجہتی کےحوالے سے تقریب سے وفاقی وزیر داخلہ شیخ رشید نے خطاب کرتے ہوئے کہا کہ ہم عمران خان کےساتھ اس لئےہیں کہ وہ ایماندارشخص ہیں، عمران خان کوشش کررہا ہے، ملک کومہنگائی سےنجات ملے۔

شیخ رشید کا کہنا تھا کہ ہماری فورسزہرجگہ دہشت گردوں کو شکست دےرہی ہیں، کوئی بدمعاش اس شہر میں سراٹھا کر نہیں چل سکتا، ہم بھاگنے والے نہیں،ہم نے سات سال قیدکاٹی ہے، اس حکومت کاوزیرداخلہ ختم نبوت کاسپاہی ہے، کسی نےہم سےزیادہ جیل کاٹی ہے تو آکر بتائے۔

ن لیگ اور پییلز پارٹی کے حوالے سے وفاقی وزیر نے کہا کہ نواز شریف کی سیاست نسلہ ٹاورکی طرح گرےگی، پیپلزپارٹی کی سیاست تجوری ہائیٹس کی طرح گرےگی، سارے گندے انڈے اکٹھے ہوکر اسلام آباد آؤ ایک ٹھوکرمیں ماردیں گے۔

ان کا مزید کہنا تھا کہ ہم اپوزیشن کی طرح جھوٹ کی سیاست نہیں کرتے، میرےحلقےکےلوگوں کوپتاہےمیں جھوٹ پرسیاست نہیں کرتا، مجھے اڈیالہ جیل میں پھانسی دے دی جائے میں ملک سےفرارنہیں ہوں گا۔

شیخ رشید نے کہا کہ پھانسی پرلٹکناپسندکروں گاجعلی میڈیکل سرٹیفکیٹ پرملک سے نہیں بھاگوں گا، میں نوازشریف کی طرح جعلی سرٹیفکیٹ بناکرفرار نہیں ہوں گا۔

وزیر داخلہ کا کہنا تھا کہ پاکستان65اور71کاپاکستان نہیں، ایٹمی طاقت ملک کے دفاع کیلئے بنےہیں، پاکستان کے دشمنوں کو نیست و نابود کرکے رکھ دیں گے۔

انھوں نے بتایا کہ وزیراعظم عمران خان نے ملک کو صحت کارڈ دیا ہے، تعلیم ہمارا نشان ہے ہمیں کوئی شکست نہیں دے دسکتا، جہاں ڈھوک کالفظ آئے گا، وہاں میری بیٹی کاکالج اوریونیورسٹی آئے گا۔

کشمیر کے حوالے سے شیخ رشید نے کہا کہ پاکستان کشمیرکےبغیرنامکمل ہےہم آپ کی آزادی چاہتےہیں، آپ بتائیں آپ کیاچاہتےہیں ہمارا اتحاد آپ کےساتھ آزادی کیلئےہے، پاکستان کابچہ بچہ آپ کےساتھ آزادی تک کھڑاہے۔

وفاقی وزیر داخلہ کا کہنا تھا کہ بھارتی آرمی چیف کوکہتاہوں آج کاپاکستان ایٹمی پاکستان ہے ، عمران خان چاہتاتھاکرپٹ لوگ جیلوں کے پیچھے ہو، یہ نظام صرف غریبوں کو سزادیتاہے، شہباز شریف16ارب روپےکی چوری کرتاہےاورضمانت ہوجاتی ہے۔

انھوں نے مزید کہا کہ عمران خان کی خوش قسمتی ہےاس کونالائق اپوزیشن ملی، یہ لوگ عمران خان کاکچھ نہیں بگاڑسکتے، 10،15 مہینے رہ گئے یہاں تو اگلے الیکشن کی تیاریاں شروع ہوگئی ہیں۔

Comments

یہ بھی پڑھیں