The news is by your side.

Advertisement

الیکشن کا اعلان نہ ہونے پر شیخ رشید نے خوں ریزی سے خبردار کر دیا

اسلام آباد: پی ٹی آئی رہنما اور سابق وزیر داخلہ شیخ رشید احمد نے نئے انتخابات کا اعلان نہ کیے جانے پر ملک میں خانہ جنگی اور خوں ریزی سے خبردار کیا ہے۔

تفصیلات کے مطابق اسلام آباد میں میڈیا سے گفتگو کرتے ہوئے کہا ہے کہ ملک کو خانہ جنگی سے بچانا ہے تو 30 مئی سے پہلے الیکشن کا اعلان کر دیں، الیکشن کا اعلان نہ ہوا تو عمران خان کال دے گا۔

شیخ رشید نے کہا یہ الیکشن کا مطالبہ کرتے تھے آج یہ بھاگ گئے ہیں، ہمارا کسی سے جھگڑا نہیں مگر چوروں کو نہیں چھوڑیں گے، عمران خان نے کال دی تو پورا پاکستان جمع ہو جائے گا۔

سابق وزیر داخلہ کا کہنا تھا کہ الیکشن کا اعلان نہ ہوا تو خون ریزی اور تشدد کا ذمہ دار یہ لوگ ہوں گے، مئی کا مہینہ بہت اہم ہے کسی کے بس میں کچھ نہیں، قوم بند گلی میں داخل ہوچکی ہے۔

شیخ رشید نے مزید کہا قوم کی آنکھوں میں اب بارود ہے سمجھنےوالے سمجھ لیں، لوگ اب الیکشن چاہتے ہیں اور فیئر حکومت چاہتے ہیں، چیف الیکشن کمشنر کو جیسی چابی ملنی ہے ویسا ہونا ہے۔

پاکستان تحریک انصاف کے الیکشن کمیشن دفتر کے باہر احتجاج کے موقع پر انھوں نے کہا بچے بچے کو پتا ہے ان جماعتوں کو کس نے اکٹھا کیا، آج ہر حلقے کے لوگ عمران خان کے ساتھ ہیں۔

Comments

یہ بھی پڑھیں