The news is by your side.

Advertisement

"حالات میں بہتری دیکھ رہا ہے، کریڈٹ عمران خان کو جائےگا”

کراچی: عوامی مسلم لیگ کے سربراہ شیخ رشید کا کہنا ہے کہ میں ایک بہتر حل دیکھ رہاہوں ،دیر سویر ہوسکتی ہے، سارا کریڈٹ عمران خان کوجائےگا۔

تفصیلات کے مطابق اے آر وائی نیوز کے پروگرام” باخبر سویرا” میں خصوصی گفتگو کرتے ہوئے شیخ رشید نے کہا کہ امید ہے کہ معاملات صلح صفائی سے طے پاجائیں گے اور مثبت حل نکل آئے گا اور دوسرے لانگ مارچ کی ضرورت نہیں پڑے گی۔

شیخ رشید نے حکومت پر الزام عائد کیا کہ حقیقی آزادی مارچ کے شرکا کو اسلام آباد آنے سے روکنے کے لئے پورے پاکستان میں کریک ڈاؤن کیا گیا اور لوگوں کو روکا گیا، پورے پاکستان میں پانچ لوگوں کی جانیں گئیں اس لئے پہلے ہی کہہ دیا تھا کہ مارچ خونی ہوسکتا تھا۔

پروگرام میں گفتگو کرتے ہوئے شیخ رشید نے کہا کہ کل کے واقعات کے بعد لوگوں کی آنکھوں میں خون ہے، مگر عمران خان بہتر حل نکال لیں گے، شایداب دوسری بار لوگوں کومتحرک کرنےکی ضرورت نہ پیش آئے، سارے معاملات بہتری کی طرف جائیں گے اور سب سےزیادہ کریڈٹ عمران خان کو جائےگا۔

آج ہونے والے پارلیمنٹ کے مشترکہ اجلاس سے متعلق شیخ رشید نے کہا کہ پارلیمنٹ کےمشترکہ سیشن سےکوئی فرق نہیں پڑتا، اہم بات یہ ہےکہ الیکشن کی تاریخ کا اعلان ہو۔

Comments

یہ بھی پڑھیں