راولپنڈی : لاہور ہائیکورٹ راولپنڈی بینچ نے سابق وزیر داخلہ شیخ رشید کی ضمانت قبل از گرفتاری اٹھارہ مئی تک منظور کرلی۔
تفصیلات کے مطابق لاہورہائی کورٹ کےراولپنڈی بینچ میں سابق وزیر داخلہ شیخ رشید کی ضمانت قبل ازگرفتاری کی درخواست پر سماعت ہوئی، درخواست کی سماعت جسٹس ملک شہزاد احمد خان نے کی۔
عدالت نے شیخ رشید کی 18 مئی تک قبل ازگرفتاری عبوری ضمانت منظور کرتے ہوئے مقدمات کے اخراج کیلئے تمام فریقین کو نوٹسز جاری کردیئے۔
- Advertisement -
یاد رہے شیخ رشید نے لاہور ہائیکورٹ راولپنڈی بینچ میں عبوری ضمانت کیلئے درخواست دائر کی تھی۔
واضح رہے کہ سابق وزیر داخلہ شیخ رشید کیخلاف ملک کے مختلف 8شہروں میں مقدمات درج ہیں جبکہ ان کے بھتیجے شیخ راشد شفیق کو پہلے ہی گرفتار کیا جا چکا ہے۔
