گھر بیٹھے تنخواہ لینے والے شعبے ختم کریں گے: وزیر ریلوے -
The news is by your side.

Advertisement

گھر بیٹھے تنخواہ لینے والے شعبے ختم کریں گے: وزیر ریلوے

لاہور: وفاقی وزیر ریلوے شیخ رشید کا کہنا ہے کہ وزیر اعظم سے درخواست کی ہے ریلوے ملازمین کو ایک گریڈ اپ کر دیں گے۔ ویجی لینس شعبہ ختم کر دیا، گھر بیٹھے تنخواہ لینے والے اور بھی شعبے ختم کریں گے۔

تفصیلات کے مطابق وفاقی وزیر ریلوے شیخ رشید نےمیڈیا سے گفتگو کرتے ہوئے کہا کہ ریلوے کے 7 ہیڈ کوارٹرز 24 گھنٹے فعال رہیں گے، ریلوے کے 7 ہیڈ کوارٹرز پر ٹکٹس فراہم کیے جائیں گے۔

شیخ رشید نے کہا کہ راولپنڈی اور لاہور سمیت مختلف جگہوں پر کوچز تیار کر رہے ہیں۔ 23 دسمبر سے رحمان بابا ایکسپریس کا افتتاح کر دیا جائے گا۔ گوجر خان سے جہلم کا پہاڑی راستہ کاٹ کر ٹریک بنائیں گے۔

انہوں نے کہا کہ ڈالر کی قیمت بڑھتی جا رہی ہے، 40 ٹرینوں کے کرایوں میں اضافہ ہوگا۔ 100 ٹرینوں کے کرایوں میں اضافہ نہیں کیا جائے گا۔ 350 انجنوں کے لیے ٹریکنگ سسٹم ایک شہری نے گفٹ کیے ہیں۔ 25 دسمبر کو کراچی آؤں گا، ریلوے کے لیے انقلاب کا دن ہوگا۔

وزیر ریلوے کا کہنا تھا کہ وزیر اعظم عمران خان سے کراچی میں تجاوزات سے متعلق بات ہوئی، کراچی میں جا کر دیکھیں گے، نہیں چاہتے کہ غریبوں کو بے گھر کریں۔ نالہ لئی کا فیصلہ ہو گیا تو سڑک کے ساتھ ٹریک بنانے کی کوشش کریں گے۔

انہوں نے کہا کہ وزیر اعظم سے درخواست ہے ریلوے ملازمین کو ایک گریڈ اپ کر دیں گے۔ سکھوں میں خوشی ہے، آئینی، قانونی اور جمہوری فیصلہ ہوا ہے۔ ننکانہ صاحب کو ڈیولپ کر رہے ہیں، سکھ بہت خوش ہیں۔

وفاقی وزیر نے مزید کہا کہ ریلوے ملازم کوئی بھی ہو بغیر ٹکٹ پکڑا گیا تو نوکری سے برخاست کردوں گا۔ ویجی لینس شعبہ ختم کر دیا، گھر بیٹھے تنخواہ لینے والے اور بھی شعبے ختم کریں گے۔

Comments

comments

یہ بھی پڑھیں