The news is by your side.

Advertisement

بلاول کے شہر لاڑکانہ میں دوزخ اور قیامت کا سماں ہے، شیخ رشید

لاڑکانہ : وزیر ریلوے شیخ رشید احمد نے کہا بلورانی کا شہر دیکھ کر دل خون کے آنسو رورہا ہے، لاڑکانہ میں دوزخ اور قیامت کا سما ں ہے اور لاڑکانہ کا ریلوے ٹریک موت کا ٹریک ہے۔

تفصیلات کے مطابق وزیر ریلوے شیخ رشید احمد نے ریلوے اسٹیشن لاڑکانہ میں میڈیا سے گفتگو کرتے ہوئے کہا بلورانی کا شہر دیکھ کر دل خون کے آنسو رورہا ہے، یہاں انسان اس طرح رہتے ہیں جیسے جانور بھی نہیں رہ سکتا۔

شیخ رشید کا سندھ حکومت پر تنقید کرتے ہوئے کہنا تھا کہ سندھ کے حکمران چور ،ڈاکو ہیں، روزگار کے بجائے ایڈز دیا ہے، لاڑکانہ میں دوزخ اور قیامت کا سما ں ہے، پاکستان میں لاڑکانہ سے گنداماحول کہیں نہیں دیکھا، یہ شہر چوروں اور ڈاکوؤں کی وجہ سے رُل گیاہے۔

پاکستان میں لاڑکانہ سے گنداماحول کہیں نہیں دیکھ

وزیر ریلوے نے کہا کہ لاڑکانہ 8 سو افرادکو قرعہ اندازی کےذریعے نوکری دی جائے گی، حکومت سےسوال کے بجائے چوروں، ڈاکو سندھ حکومت سے،سوال کریں‌، حکومت سندھ پروگرام لائے ان کےساتھ تعاون کیلئے تیار ہیں۔

ان کا کہنا تھا کہ میرے پاس کوئی تعویز نہیں وہ اسلام آباد میں ہے، برادری کی سیاست نہیں کرتا اسی سے ملک مسائل کا شکار ہوا ہے ، لاڑکانہ کا ریلوے ٹریک موت کا ٹریک ہے۔

حکومت سندھ پروگرام لائے ان کےساتھ تعاون کیلئے تیار ہیں

شیخ رشید نے کراچی سے لاڑکانہ ٹریک پر عید کے بعد نئی ٹرین عید چلانے اور خوشحال خان ایکسپریس میں لاڑکانہ سے بوگی بحال کرنے کا بھی اعلان کرتے ہوئے کہا 70 سال میں ریلوے کا وزیر پہلی بار لاڑکانہ آیا ہے، عید کے بعد دوبارہ آؤں گا۔

چیئرمین سینیٹ کیخلاف عدم اعتماد کی تحریک کے حوالے سے وزیر ریلوے نے کہا سینیٹ چیئرمین کوئی بھی ہو جمہوریت کمزور ہوگی۔

Comments

comments

یہ بھی پڑھیں