The news is by your side.

Advertisement

کرونا وائرس سے متعلق 15 دن بہت اہم ہیں، شیخ رشید

راولپنڈی: وزیر ریلوے شیخ رشید احمد نے کہا ہے کہ پاکستان میں حالات کنٹرول میں ہیں، امریکا یا اٹلی جیسی صورتحال نہیں ہے، کرونا وائرس سے متعلق 15 دن بہت اہم ہیں۔

تفصیلات کے مطابق وزیر ریلوے شیخ رشید احمد نے میڈیا سے گفتگو کرتے ہوئے کہا کہ ملک بھر میں 570 ریلوے اسٹیشن میں قرنطینہ کے لیے انتظامات ہیں، ایمرجنسی کی صورت میں ریلوے نے 450 بستروں کے اسپتال کا انتظام کیا ہے۔

انہوں نے کہا کہ انشا اللہ پاکستان کرونا وائرس کی وبا کو شکست دیدے گا، پہلے فیصلہ تھا یکم اپریل سے مسافر ٹرینیں کھول دیں لیکن اب ایسا نہیں ہوگا، تاحکم ثانی مسافر ٹرینیں بند رہیں گی۔

شیخ رشید نے کہا کہ فریٹ ٹرینیں چلتی رہیں گی تاکہ اشیائے خوردونوش کی سپلائی رہے، ریلوے کے 7 اسپتال کرونا کی وبا کے خلاف جنگ میں حصہ لیں گے۔

مزید پڑھیں: کرونا کے پیش نظر 1200 ارب روپے سے زائد کا معاشی پیکج منظور

وزیر ریلوے نے کہا کہ راولپنڈی میں ٹرین میں 50 بستروں پر مشتمل قرنطینہ قائم کردیا گیا ہے، راولپنڈی میں ریلوے کے اسپتال میں 450 بستروں پر مشتمل قرنطینہ کی سہولت ہے۔

انہوں نے کہا کہ کابینہ کے کل ہونے والے اجلاس میں اہم فیصلے ہوں گے، لوگوں کو امدادی رقم دینے سے متعلق بھی کل اہم فیصلے ہوں گے، کرفیو کی طرف نہیں جائیں گے، عوام خود احتیاط کریں۔

واضح رہے کہ ملک میں کرونا وائرس کے مریضوں کی تعداد 1650 ہوگئی ہے، کرونا کے باعث اموات 20 ہوگئیں، 11 مریضوں کی حالت تشویش ناک ہے۔

fb-share-icon0
Tweet 20

Comments

comments

یہ بھی پڑھیں