The news is by your side.

Advertisement

مسلم لیگ ن میں ایک نوازلیگ اوردوسری شہبازلیگ ہے، شیخ رشید کا دعویٰ

امیرقطر کےدورے میں بہت زبردست سرمایہ کاری آئی ہے

اسلام آباد : وزیرریلوے شیخ رشیداحمد نے کہا مسلم لیگ ن میں دو لیگیں ہیں ، ایک شہباز شریف اوردوسری نواز شریف ، حکومت کو کہا تھا کہ انہیں لندن جانے دیں ، ان سے جان چھڑائیں، امیرقطر کےدورے میں بہت زبردست سرمایہ کاری آئی ہے۔

تفصیلات کے مطابق وزیر ریلوے شیخ رشیداحمد نے پارلیمنٹ ہاؤس کے باہر میڈیا سےگفتگو کرتے ہوئے کہا ہم نے کل پی سی ون داخل کیاہے، بنیادی مسئلہ ایم ایل ون کاہے، تاثردیاجارہاہےحادثات کی بنیادی وجہ ٹرینوں کی تعدادکازیادہ ہوناہے، یہ لوگ کیاسمجھتےہےہم پاگل ہیں، ایک دو ارب کا آئل رکھنے کی کیا منطق ہے۔

شیخ رشید کا کہنا تھا تین یا 4 تاریخ کو اپنی فنانشل رپورٹ سامنےلائیں گے، ہم ریلوےمیں سےچوروں کوباہرنکالیں گےیہ میرامشن ہے، 24 اگست کو میرا سال مکمل ہوگا کارکردگی سامنے لاؤں گا، خان صاحب سے کہا ہے ریلوے میں ایک گریڈکی پروموشن دیں۔

24 اگست کو میرا سال مکمل ہوگا کارکردگی سامنےلاؤں گا

وزیر ریلوے کا کہنا تھا 5 دن بعد فنانس اورریلوےکی کارکردگی سےمتعلق بریفنگ دوں گا ، اپوزیشن کوتکلیف اس لیےہےخریداری میں اربوں روپے کمائے ،17 لاکھ لیٹر تیل بچایا اور34 ٹرینیں بھی چلائی ہیں، ریلوے کو خسارے سے باہر نکالیں گے، ریلوے کے پاس 8 دن کا ہر صورت آئل موجودہوتاہے۔

انھوں نے کہا امیر قطر کا دورہ کامیاب رہا اور دورے میں بہت زبردست سرمایہ کاری آئی ہے ، مشیر خرانہ سرمایہ کاری کابتائیں گے اور انشااللہ بجٹ میں آپ کو  بریف کیاجائے گا، افغانستان کےصدردورہ کر رہے ہیں، آج وزیر اعظم میٹنگ کریں گے۔ میں عمران خان کاساتھی ہوں،سائےکی طرح اس کےساتھ ہوں۔

امیر قطر کا دورہ کامیاب رہا اور  بہت زبردست سرمایہ کاری آئی ہے

شیخ رشید کا کہنا تھا خورشیدشاہ نےکہاہے اےپی سی میں مولاناکوسمجھائیں گے، خورشیدشاہ صاحب کی بات کو کون ٹالتاہے، آج اےپی سی کےعلاوہ بھی بڑی خبریں ہیں، اپوزیشن کےلیے126دن کا دھرنا آسان کام نہیں۔

وزیر ریلوے نے دعویٰ کیا ن لیگ میں ایک نوازلیگ اوردوسری شہبازلیگ ہے، شہبازشریف اورمیری مدرپارٹی ایک ہے،کبھی پارٹی نہیں بدلی، جنہوں نے نواز  شریف کومروایاوہ چاہتیں ہےاوربھی اندررہے، حکومت کو کہا تھا کہ انہیں لندن جانے دیں ، ان سے جان چھڑائیں۔

میں عمران خان کاساتھی ہوں،سائےکی طرح اس کےساتھ ہوں

ایوان میں وزیراعظم کے لئے سیلیکٹڈ لفظ کے استعمال پر پابندی کے حوالے سے ان کا کہنا تھا منتخب آدمی کوسلیکٹڈکہنانامناسب بات ہے۔

شیخ رشید نے کہا کچھ لوگوں کےپیٹ میں دردہےکہ ریلوےکیوں چل پڑی، میں نے قوم سے وعدہ کیا تھا کہ ریلوے کو بہتر بناؤں گا، 34 ریل گاڑیاں چلائی ہیں،مال گاڑیوں میں بھی اضافہ کیا جا رہا ہے، 65 ہزار مسافروں کا اضافہ ہوا ہے، ڈرائیورپربوجھ نہ پڑےاس لیےریٹائرڈرائیورزکوبھرتی کیاجارہاہے۔

Comments

comments

یہ بھی پڑھیں