The news is by your side.

Advertisement

شیخ رشید کی این اے 60 کا الیکشن ملتوی کرنے پرسپریم کورٹ میں درخواست

اسلام آباد: قومی اسمبلی کے حلقہ این اے 60 میں الیکشن ملتوی کرنے پر شیخ رشید نے سپریم کورٹ میں درخواست دائر کردی۔

تفصیلات کے مطابق شیخ رشید نے این اے 60 سے حنیف عباسی کی سزا کے بعد الیکشن کمیشن کی جانب سے انتخاب ملتوی کیے جانے اور لاہور ہائی کورٹ کی جانب سے یہ فیصلہ برقرار رکھنے کے فیصلے کے خلاف سپریم کورٹ میں درخواست دائر کردی۔

عوامی مسلم لیگ کے سربراہ نے درخواست میں موقف اختیار کیا ہے کہ این اے 60 پرالیکشن کے تمام انتظامات مکمل تھے، سزا ہونے کی بنیاد پرحنیف عباسی 21 جولائی کونا اہل ہوگئے۔

بعدازاں 22 جولائی کو الیکشن کمیشن نے این اے 60 پرالیکشن ملتوی کرنے کا نوٹیفکیشن جاری کیا جس میں کوئی قابل قبول وضاحت نہیں دی گئی۔

درخواست گزار نے موقف اختیار کیا کہ الیکشن امیدوارکی وفات کی صورت میں ملتوی کیے جا سکتے ہیں، الیکشن کمیشن کا فیصلہ الیکشن ایکٹ،آئینی آرٹیکلزکی خلاف ورزی ہے۔

شیخ رشید کے مطابق سنجیدہ جرائم میں ملوث شخص کوٹکٹ دیکرن لیگ نے رسک لیا تھا، الیکشن کے لیے ہائیکورٹ سے رابطہ کیا، شنوائی نہ ہوئی۔

عوامی مسلم لیگ کے سربراہ نے درخواست میں استدعا کی کہ عدالت الیکشن کمیشن کا انتخاب روکنے کا نوٹیفکیشن کالعدم قرار دے۔

این اے 60 میں الیکشن ملتوی ہونے کا فیصلہ برقرار

خیال رہے کہ گزشتہ روز لاہور ہائی کورٹ بینچ نےعوامی مسلم لیگ کے سربراہ شیخ رشید کی پٹیشن خارج کردی تھی۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں