راولپنڈی : سابق وزیر داخلہ شیخ رشید کا کہنا ہے کہ ایک تعیناتی سب پہ بھاری ہے، نوازشریف نے جس کو تعینات کیا اس سے جھگڑا کیا۔
تفصیلات کے مطابق سابق وزیر داخلہ شیخ رشید نے سماجی رابطے کی ویب سائٹ ٹوئٹر پر اپنے بیان میں کہا کہ بے اختیار شہباز شریف جاتے شرم الشیخ ہیں اور حسب معمول نکلتے لندن میں ہیں۔
شیخ رشید کا کہنا تھا کہ ایک تعیناتی سب پہ بھاری ہے ، نواز شریف نے جتنے لوگوں کوتعینات کیا ان سب سے جھگڑا کیا ، نواز شریف، آصف زرداری اور فضل الرحمن کو مایوسی ہوگی، کیونکہ فیصلہ میرٹ پر ہوگا اور الیکشن ہوں گے، مارنے والے سے بچانے والا زیادہ طاقتور ہے۔
بے اختیار شہباز شریف جاتے شرم الشیخ ہیں اور حسب معمول نکلتے لندن میں ہیں،ایک تعیناتی سب پہ بھاری ہے،نواز شریف نے جتنےلوگوں کوتعینات کیا ان سب سے پھڈا کیا،نوازشریف،آصف زرداری اور فضل الرحمن کومایوسی ہوگی،فیصلہ میرٹ پر ہوگا اور الیکشن ہوں گے،مارنے والے سے بچانے والا زیادہ طاقتور ہے
— Sheikh Rashid Ahmed (@ShkhRasheed) November 10, 2022
یاد رہے سینیئر سیاستدان اور سابق وفاقی وزیر شیخ رشید احمد نے کہا تھا کہ ہم کسی سے بھی جنگ نہیں چاہتے ہیں اس وقت پوری قوم عمران خان کے ساتھ ہے۔
