The news is by your side.

‘آئی ایم ایف کا قرضہ منظور ہوا کوئی جیک پاٹ نہیں لگا، واپسی قوم نے کرنا ہے’

راولپنڈی : سابق وزیر داخلہ شیخ رشید کا کہنا ہے کہ آئی ایم ایف کاقرضہ منظور ہوا کوئی جیک پاٹ نہیں لگا، واپسی قوم نے کرنا ہے۔

تفصیلات کے مطابق سابق وزیر داخلہ شیخ رشید نے سماجی رابطے کی ویب سائٹ‌ ٹوئٹر پر اپنے بیان میں کہا ہے کہ آئی ایم ایف کاقرضہ منظور ہوا کوئی جیک پاٹ نہیں لگا،واپسی قوم نےکرناہے، 20سے زائدمرتبہ لیےقرض پرجوقوم نےاداکرنا ہےوزراشادیانے بجارہے ہیں۔

شیخ رشید کا کہنا تھا کہ پانی کا ریلہ سڑکوں سے گزرنے کے بعد عوام کا ریلہ سڑکوں پرآئےگا، کروڑوں افراد کی بقا کی جنگ میں سیاستدان اب بھی دست وگریباں ہیں، ستمبر ستمگر ہوگا۔

مفتاح اسماعیل کے بیان پر سابق وزیر داخلہ نے اپنے ٹوئٹ میں کہا کہ بھارت سے تجارت شروع کرنےکے بعداب یہ اسرائیل کی طرف بڑھیں گے۔

مہنگائی کے حوالے سے ان کا کہنا تھا کہ سفید پوش ہی نہیں،صاحب حیثیت بھی بجلی کےبل ادانہیں کر پا رہا، سیلاب سے مری قوم آسمان کی طرف دیکھ رہی ہے، سیلاب کے بعد غذائی قلت اور وبائی بحران آئے گا۔

عمران خان کی طرح حکمران بھی ٹیلی تھون کرائیں تاکہ ان کی مقبولیت کا پتہ چل سکے۔

Comments

یہ بھی پڑھیں