The news is by your side.

‘اسحاق ڈار آئے یا نوازشریف، حکومت کا کھیل ختم’

اسلام آباد : سابق وزیر داخلہ شیخ رشید نے کہا ہے اسحاق ڈار آئے یا نوازشریف، حکومت کا کھیل ختم ہوگیا ہے۔

تفصیلات کے مطابق سابق وزیر داخلہ شیخ رشید نے میڈیا سے گفتگو کرتے ہوئے کہا کہ میں چاہتا ہوں سب لوگ گراؤنڈ ریئلٹی دیکھیں، کل ان کی امیدوں پرپانی پھرگیاہے، یہ بھکاری سوائے خیرات مانگنے کے کچھ نہیں کر رہے۔

بلاول بھٹو پر تنقید کرتے ہوئے شیخ رشید کا کہنا تھا کہ بلاول بھٹوکہتےہیں فلائٹ مس ہوگئی اس لئےواشنگٹن لینڈ کیا، اگر حالات کو نہ سمجھا گیا تو حالات لوگ اپنے ہاتھوں میں لے لیں گے۔

سابق وزیر داخلہ نے بتایا کہ وزارت خارجہ نےکہاکہ این جی اونےاسرائیل کادورہ ارینج کیا، اب وہ لوگ کہاں ہیں جو فرانس کو برا بھلا کہتے تھے، آج تو فرانس کیساتھ بغل گیر ہو رہے ہیں۔

ان کا کہنا تھا کہ جومذہبی کارڈ عمران خان کیخلاف استعمال کرناچاہتے تھے وہ ان کے خلاف ہو رہا ہے۔

حکومت پر تنقید کرتے ہوئے کہا عوامی مسلم لیگ کے سربراہ نے کہا اب سحاق ڈار ہوں یا نوازشریف جو بھی آئے یا کوئی بھی آجائے ، حکومت کا کھیل ختم الٹی گنتی شروع ہوگئی ہے ،فیصلےہونےوالےہیں ،۔ بیس سے پچیس دن میں فیصلہ ہوجائے گا۔

شیخ رشید کا کہنا تھا کہ سیاستدان مذاکرات کےدروازےکبھی بندنہیں کرتا،کرنےبھی نہیں چاہئیں،اچھی بات ہےکہ مذاکرات کے ذریعےالیکشن کی تاریخ نکل آئے، کیا اس ملک نے بند گلی میں جانا ہے یا انتخابات کی طرف جانا ہے۔

Comments

یہ بھی پڑھیں