The news is by your side.

Advertisement

حکومت جمہوریت کو ذلیل و رسوا کررہی ہے، شیخ رشید

اسلام آباد : عوامی مسلم لیگ کے سربراہ شیخ رشید نے کہا کہ حکومت جمہوریت کو ذلیل و رسوا کررہی ہے، پانامہ لیکس تحقیقات پر نوازشریف تاخیری حربے استعمال کر رہے ہیں۔

تفصیلات کے مطابق عوامی مسلم لیگ کے سربراہ شیخ رشید نے نیا ویڈیو پیغام جاری کیا ہے، شیخ رشید نے کہا کہ حکومت جمہوریت کو رسوا کررہی ہے، کل نواز شریف کے خلاف گوشوارے جمع کرانے اور پانامہ لیکس کے حوالے سے میرا کیس ہے، نواز شریف نے ابھی تک جواب داخل نہیں کرایا اور شام کے وقت اپنے وکیل سلمان اسلم بٹ کا نام داخل کراکر سپریم کورٹ سے وقت لینا چاہیں گے۔ ساری قوم سپریم کورٹ کی جانب دیکھ رہی ہے۔

انکا مزید کہنا تھا کہ اس وقت جہموریت انکے ہاتھوں ذلیل و رسوا ہورہی ہے اور طاقت کا استعمال ہورہا ہے۔


مزید پڑھیں : چوہدری نثار،نواز شریف کی ضد کی بھینٹ چڑھ رہے ہیں،شیخ رشید


پرویز رشید کے خلاف بننے والی جے آئی ٹی کا بھانڈہ پھوڑتے ہوئے انھوں نے کہا کہ پرویز رشید کے بارے میں جو جی آئی ٹی بنائی گئی تھی اس خوف سے کہ یہ معاملہ نواز شریف یا انکی فیملی تک نہ پہنچ جائے گا ، انھوں نے اب تک جی آئی ٹی پر نوٹیفیکیشن جاری نہیں کیا۔

کرنل شاہد کی موت کے حوالے سے پرویز رشید کا کہنا تھا کہ کرنل شاہد کی موت کنٹینرز کی وجہ سے ہوئی ہے، اس کیس میں بھی کوئی پیش رفت نہیں ہوسکی اور اس سے ظاہر ہے کہ یہ لوگ اکڑ میں ہیں، گھمنڈ میں ہیں اور اللہ کے بعد عوام ہی انکے گھمنڈ کو توڑ سکتی ہے، اس لئے قوم کو چاہے کہ 2 نومبر کو نکلے, پاکستان کیلئے، اسلام کیلئے ، غریب عوام کیلئے اور اپنی اولادوں کیلئے اور اس ملک کو چوروں، کمیشن خوروں سے نجات دلائیں۔

Comments

comments

یہ بھی پڑھیں