The news is by your side.

Advertisement

مودی سن لو ! پاکستان پرجارحیت کی توبھارت میں22پاکستان بن جائیں گے، شیخ رشید

اسلام آباد : وزیر ریلوے شیخ رشید نے کہا شیخ رشیداورلال حویلی کاتعلق سری نگر کے لاک چوک سے ہے، مودی سن لو ! پاکستان پرجارحیت کی توبھارت میں 22 پاکستان بن جائیں گے۔

تفصیلات کے مطابق وزیر ریلوے شیخ رشید نے کشمیریوں سے اظہار یکجہتی کرتے ہوئے کہا مقبوضہ کشمیر میں 4 ہفتے سے کرفیو نافذ ہے، کشمیریوں کوگھروں میں محصور کر دیاگیا، اشیائے خوردونوش کی قلت ہے، 27دن سے مقبوضہ کشمیر میں کرفیو ہے۔

شیخ رشید کا کہنا تھا کہ مودی مقبوضہ کشمیرمیں مسلمانوں کا قتل عام کرناچاہتاہے، کشمیریوں کے ساتھ اور ہمیشہ ان کا ساتھ دیتے رہیں گے، پاک فوج لمحہ بہ لمحہ تیارہے، کشمیریوں سے اظہار یکجہتی کیلئے ریلی کی قیادت میں خود کروں گا۔

وزیر ریلوے نے کہا شیخ رشیداورلال حویلی کاتعلق سری نگر کے لاک چوک سے ہے، مودی سن لو ! پاکستان پرجارحیت کی توبھارت میں22پاکستان بن جائیں گے، پاک فوج تیار ہیں، بھر جواب دینے کی صلاحیت رکھتے ہیں۔

مزید پڑھیں :  بھارت سے جنگ شروع ہوگئی ہے، جس ہتھیار سے وارکرےگا اس سےجواب دیں گے، شیخ رشید

اس سے قبل  وفاقی وزیر ریلوے شیخ رشید کا کہنا تھا کہ سیاسی، سفارتی اور میڈیا محاذ پر بھارت سے جنگ شروع ہوگئی ہے، بھارت جس ہتھیار سے وار کرےگا، ہم اسی سے جواب دیں گے۔

وزیر ریلوے نے مزید کہا تھا  بھارت کومقبوضہ کشمیرمیں کی گئی غلطی کا اندازہ نہیں تھا، بھارت نےغلطی کردی، مودی کوپتہ نہیں تھا، عمران خان ایساردعمل دےگا۔

Comments

comments

یہ بھی پڑھیں