تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

‘پنجاب کے نگراں وزیر اعلیٰ کی نامزدگی الیکشن کمیشن پر سوالیہ نشان ہے’

لندن : سابق وزیر داخلہ شیخ رشید کا کہنا ہے کہ پنجاب کے نگراں وزیر اعلیٰ کی نامزدگی الیکشن کمیشن پر سوالیہ نشان ہے ، ایک ناپسندیدہ شخص کو صوبے کا نگراں وزیر اعلیٰ نامزد کرکے عوم کی توہین کی گئی۔

تفصیلات کے مطابق سابق وزیر داخلہ شیخ رشید نے اپنے ویڈیو بیان میں کہا ہے کہ نگراں وزیراعلی پنجاب کی تعیناتی کرکے الیکشن کمیشن نے اپنے تباہی کے تابوت میں آخری کیل ٹھونک دی ہے اور آنے والے الیکشن پر بھی سوالیہ نشان لگا دیا ہے۔

شیخ رشید کا کہنا تھا کہ یہ ایسا ہی ہے کہ جیسے دودھ کی رکھوالی کیلئے بلا بیٹھا دیا ہے، تیرہ جماعتیں جو مرضی کرلیں، عوام کے فیصلے کو روکنا پاکستان کے ساتھ زیادتی اور ناانصافی ہوگی۔

سابق وزیر داخلہ نے کہا کہ ایک ناپسندیدہ شخص کو ساٹھ فیصد صوبے کا نگراں وزیر اعلیٰ مقرر کرنا اس بات کی دلیل ہے کہ آپ عوام کی توہین اور تضحیک کررہے ہیں۔

یاد رہے چیئرمین پی ٹی آئی عمران خان نے محسن نقوی کی بطور نگراں وزیراعلیٰ تقرری مسترد کردی تھی اور کہا تھا کہ سپریم کورٹ فیصلےکےمطابق پلی بارگین کرنیوالاعوامی عہدے کااہل نہیں ، آج پریس کانفرنس میں پورا پلان بےنقاب کروں گا۔

Comments

- Advertisement -