The news is by your side.

Advertisement

آج قومی سلامتی کا اجلاس کرپٹ اورمنی لانڈرز کی سرپرستی میں ہوگا، شیخ رشید کی تنقید

راولپنڈی : عوامی مسلم لیگ کے سربراہ شیخ رشید کا کہنا ہے کہ آج قومی سلامتی کااجلاس کرپٹ اورمنی لانڈرزکی سرپرستی میں ہوگا، قوم اپنی فوجی قیادت کی تصویرچوروں کےساتھ نہیں دیکھناچاہتی۔

تفصیلات کے مطابق عوامی مسلم لیگ کے سربراہ شیخ رشید نے سماجی رابطے کی ویب سائٹ ٹوئٹر پر اپنے بیان میں کہا ہے کہ آج قومی سلامتی کااجلاس کرپٹ اورمنی لانڈرزکی سرپرستی میں ہوگا، قوم اپنی فوجی قیادت کی تصویرچوروں کےساتھ نہیں دیکھناچاہتی۔

شیخ رشید کا کہنا تھا کہ جنہوں نےفوج کےخلاف نازیبازبان استعمال کی وہ ملک کی ڈرائیونگ سیٹ پربیٹھےہیں، پاک فوج کوگالیاں دینےوالےآج قومی سلامتی کی میٹنگ میں کس منہ سےجائیں گے۔

عوامی مسلم لیگ کے سربراہ نے ایک اور ٹوئٹ میں کہا کہ مجرموں اورملزموں کو اقتدار دے کر نیب میں ترمیم کی گئی ہے، ہمیں کم چائےپینے،آدھی روٹی کھانےکامشورہ دیتے ہیں، یہ لوگ خود اپنے گھروں کی زیبائش کے لیے اضافی بجٹ لیتے ہیں۔

ان کا مزید کہنا تھا کہ اتحادی پارٹیوں میں دوریاں پیدا ہونا شروع ہوگئی ہیں، ن لیگ کوسیاسی گڑھےمیں پھینک کرپیپلزپارٹی خود رفو چکر ہوگئی ہے۔

Comments

یہ بھی پڑھیں