The news is by your side.

‘اکیلے عمران خان نے 13 پارٹیوں کی اجتماعی سیاسی قبرکھود دی’

راولپنڈی : سابق وزیر داخلہ شیخ رشید کا کہنا ہے کہ اکیلے عمران خان نے 13 پارٹیوں کی اجتماعی سیاسی قبرکھود دی ہے۔

تفصیلات کے مطابق سابق وزیر داخلہ شیخ رشید نے سماجی رابطے کی ویب سائٹ ٹوئٹر پر اپنے بیان میں کہا کہ 567 ممبر اسمبلیوں سے مستعفی ہو جاتے ہیں تو پیچھے رہ کیا جاتا ہے، اسمبلیاں توڑیں یاچھوڑیں لولی لنگڑی اسمبلیوں کی طرف کوئی نہیں دیکھ رہا۔

شیخ رشید کا کہنا تھا کہ حکمران اوراُن کو لانےوالے دونوں افسردہ اور شرمندہ ہیں، اکیلے عمران خان نے13 پارٹیوں کی اجتماعی سیاسی قبرکھوددی ہے، جس کی وجہ سے پی ڈی ایم الیکشن سے فراری ہے۔

سابق وزیر داخلہ نے ایک اور ٹوئٹ میں لکھا کہ سیاسی دھند اتنی چھا گئی کہ الیکشن کا سورج طلوع ہونالازمی ہے اب تو مفتاح بھی کہہ رہے ہیں بانڈ کلیر ہونے کے باوجود ملک ڈیفالٹ ہوسکتا ہے۔

ایکسپورٹ ترسیلات زرمبادلہ کے ذخائر کم، اسٹاک ایکسچینج ٹھس ، پیٹرول گیس ڈالرمہنگا اور نایاب ہے ، اس کے باوجود اسمبلیاں بچانے پے مشورے ہو رہے ہیں ملک اور تباہ حال معیشت بچانے پے کام نہیں ہورہا۔

Comments

یہ بھی پڑھیں