The news is by your side.

Advertisement

‘نوازشریف کے پاس مشرف کی واپسی کے فیصلے کی حمایت کےعلاوہ کوئی اورراستہ نہیں’

راولپنڈی : عوامی مسلم لیگ کے سربراہ شیخ رشید کا کہنا ہے کہ نوازشریف کے پاس مشرف کی واپسی کے فیصلے کی حمایت کےعلاوہ کوئی اورراستہ نہیں۔

تفصیلات کے مطابق عوامی مسلم لیگ کے سربراہ شیخ رشید نے سماجی رابطے کی ویب سائٹ ٹوئٹر پر اپنے پیغام میں کہا کہ مشرف کو فوج اور اس کی قیادت نے پاکستان بلا کر درست اور جرات مندانہ فیصلہ کیا۔

نواز شریف کے حوالے سے شیخ رشید کا کہنا تھا کہ نوازشریف کے پاس اس فیصلے کی حمایت کےعلاوہ کوئی اورراستہ نہیں تھا، تمام آرمی چیفس کیخلاف نواز شریف نے لڑائی لڑی اور سیاسی بحران پیدا کی لیکن اب نوازشریف نے مطلب پڑنے پر ان کے آگے گھٹنے ٹیکے۔

سربراہ عوام مسلم لیگ نے ایک اور ٹوئٹ میں کہا کہ امپورٹڈ حکومت کا ایجنڈاکیسز ختم کرنا،آئی ایم ایف مہنگائی مسلط کرنا ہے، عالمی سازش کی عدم اعتماد تحریک کی شروعات بھی لندن سے ہوئی۔

ان کا مزید کہنا تھا کہ اب نواز شریف کو پاکستان آنے سے کس نے روکا ہے، آج پنجاب میں آئین کے برخلاف دو اجلاس ہو رہے ہیں، جس کی پاکستان اور دنیا میں کوئی مثال نہیں۔

Comments

یہ بھی پڑھیں