The news is by your side.

Advertisement

شکست ن لیگ کا مقدر ہے،عمران خان کا یہ کچھ نہیں بگاڑ سکتے، شیخ رشید

لاہور : وفاقی وزیر داخلہ شیخ رشید کا کہنا ہے کہ ن لیگ کی دکان اب ختم ہوگئی ہے ، شکست ن لیگ کا مقدر ہے،عمران خان کا یہ کچھ نہیں بگاڑسکتے۔

تفصیلات کے مطابق وفاقی وزیر داخلہ شیخ رشید نے گفتگو کرتے ہوئے کہا کہ ن لیگ کی دکان اب ختم ہوگئی ہے، سیکیورٹی چاہیےتوایف سی، رینجرز یاکوسٹ گارڈ چاہیے تو بتائیں، ن لیگ والے ہم سے کیا سیکیورٹی چاہیں گے۔

شیخ رشید کا کہنا تھا کہ شکست ن لیگ کا مقدر ہے،عمران خان کایہ کچھ نہیں بگاڑسکتے، میرا خیال ہے زرداری کو پنجاب میں کام کرناچاہیےیہ اچھی بات ہے، اپوزیشن جماعتیں کہتی تھیں کہ 30 دسمبر حکومت کی آخری تاریخ ہے۔

وفاقی وزیر نے سوال کیا کیا اپوزیشن نے ابھی تک کوئی ایک ریلی حکومت کیخلاف نکالی؟ اپوزیشن میڈیامیڈیا کھیلتی رہے گی اور حکومتی ترجمان اپوزیشن کو جواب دیتے رہیں گے۔

ان کا کہنا تھا کہ یہ بچ نہیں سکتےانہیں قانون کےشکنےمیں آنا ہے اور جو ملک میں مہنگائی ہے اوراسے ختم کرنا ہے۔

Comments

یہ بھی پڑھیں