The news is by your side.

Advertisement

گلگت بلتستان کو عبوری صوبہ بنانے پر چین ہماری حمایت اور بھارت پروپیگنڈاکرے گا، شیخ رشید

اسلام آباد : وفاقی وزیر داخلہ شیخ رشید کا کہنا ہے کہ گلگت بلتستان کو عبوری صوبہ بنانے پر چین ہماری حمایت اور بھارت پروپیگنڈاکرے گا، ہمیں بھارت نہیں پاکستان کے مفادات کو دیکھنا ہے۔

تفصیلات کے مطابق وفاقی وزیر داخلہ شیخ رشید نے گلگت بلتستان کو عبوری صوبہ بنانے کی قرارداد منظور ہونے کے حوالے سے کہا کہ اس فیصلے کے پاکستان کی تاریخ میں دورس نتائج سامنے آئیں گے، جی بی کو عبوری صوبہ جتنا جلد بنایاجائے اتنا اچھا ہوگا۔

شیخ رشید کا کہنا تھا کہ بھارت جی بی کو عبوری صوبہ بنانے کیخلاف پروپیگنڈا کرےگا تاہم جی بی عبوری صوبہ بنانے پر چین پاکستان کا ساتھ دے گا، ہمیں بھارت نہیں بلکہ پاکستان کے مفادات کو دیکھنا ہے۔

وفاقی وزیر نے کہا کہ میراخیال ہے جی بی کو عبوری صوبہ بنانے کا مرحلہ باآسانی مکمل ہوگا اور اپوزیشن کو احساس ہوگایہ پاکستان کےمفاد میں ہے انشااللہ وہ ساتھ دیں گے۔

یاد رہے گلگت بلتستان اسمبلی میں جی بی کو عبوری صوبہ بنانے کی تاریخی قرار داد منظور کرلی تھی  ، جس میں جی بی کو عبوری صوبہ بنانے کا مطالبہ کیا گیا ۔

قرارداد میں کہا گیا کہ قومی اسمبلی ، سینیٹ ودیگر وفاقی اداروں میں مناسب نمائندگی دی جائے اور عبوری صوبےکا درجہ دینے کیلئے آئین پاکستان میں ترامیم کا بل منظورکرایا جائے۔

قرارداد کے مطابق آئینی ترامیم میں خیال رکھا جائے اور مسئلہ کشمیر پرپاکستان کامؤقف برقراررہے، جی بی کےعوام کشمیریوں کی آزادی کیلئے اخلاقی اور سیاسی حمایت جاری رکھیں گے

Comments

یہ بھی پڑھیں